ក្រុមជម្រើសជាតិកម្ពុជា ក្រោមការដឹកនាំរបស់លោក Félix Dalmás គ្រូបង្វឹកជនជាតិអាហ្សង់ទីន បានត្រឹមស្មើស្រីលង្កា ប្រកួតជើងទី២ តែយ៉ាងណាកម្ពុជា បានចាញក្នុវគ្គទាត់បាល់ពិន័យ១១ម៉ែត្រ កាត់សេចក្ដីបញ្ចប់ដោយលទ្ធផល ៤ទល់និង២ ក្នុងវគ្គជម្រុះជើងទី២ (Play off) ពានរង្វាន់ប្រចាំទ្វីប AFC Asian Cup Saudi Arabia 2027 នៅថ្ងៃទី១០ កញ្ញា ២០២៤នេះ នៅពហុកីឡដ្ឋានជាតិ (អូឡាំពិក)។
ក្រៅពីក្រុមជម្រើសជាតិកម្ពុជា ត្រូវប្រកួតទល់នឹងស្រីលង្កា នៅជើងទី២ថ្ងៃនេះ ក៏មានម៉ុងហ្គោលី យកឈ្នះទីម័រខាងកើត និងប្រ៊ុយណេ យកឈ្នះម៉ាកាវ ក្នុងវគ្គជម្រុះ (Play off) ពានរង្វាន់ប្រចាំទ្វីប AFC Asian Cup Saudi Arabia 2027 នៅថ្ងៃទី១០ កញ្ញា ២០២៤នេះដែរ។
លទ្ធផលប្រកួតសរុបទាំង ២ជើង ពានរង្វាន់ប្រចាំទ្វីប AFC Asian Cup Saudi Arabia 2027 នៅថ្ងៃទី១០ ខែកញ្ញា ឆ្នាំ២០២៤ ៖
- ជើងទី២៖ ម៉ុងហ្គោលី ២-០ ទីម័រខាងកើត (សរុបទាំង២ជើង ៣-៤)
- ជើងទី២៖ ម៉ាកាវ ០-១ ប្រ៊ុយណេ (សរុបទាំង២ជើង ០-៤)
- ជើងទី២៖ ស្រីលង្កា ២-២ កម្ពុជា (សរុបទាំង២ជើង ២-២ )
ក្រោយបញ្ចប់ការប្រកួតពេញ ៩០នាទីក្រុមកម្ពុជា បានត្រឹមស្មើជាមួយស្រីលង្កា ខណ:នៅម៉ោងបន្ថែ១៥នាទីទី១ កម្ពុជា រកបាន ១គ្រាប់បន្ថែមទៀត រហូតដល់បញ្ចប់ការប្រកួត ១៥នាទី២ដង ស្រីលង្កា បន្តតាមស្មើកម្ពុជា ក្នុងលទ្ធផល ២ទល់និង២ នៅពហុកីឡដ្ឋានជាតិ។
ការប្រកួតពេញ៩០នាទី និបន្ថែមម៉ោង ១៥នាទី២ដង កម្ពុជា បានត្រឹមស្មើជាមួយស្រីលង្កា។ ដូចនេះក្រុមទាំង២ ទាត់បាល់ពិន័យ១១ម៉ែត្រកាត់សេចក្ដី ដោយស្រីលង្កា យកឈ្នះកម្ពុជា ៤ទល់និង២។
តាមរយ:លទ្ធផលប្រកួតកាលទាំងពីជើង ដូចនេះក្រុមជម្រើសជាតិទីម័រខាងកើត ប្រ៊ុយណេ និងស្រីលង្ការ ស្មើនឹងឡើងទៅជម្រុះជុំទី៣ (វគ្គជម្រុះក្នុងពូល) ដែលមាន១៩ប្រទេសដើម្បីប្រកួតប្រជែងគ្នាយក ៦ក្រុមឡើងទៅជុំផ្តាច់ព្រ័ត្រ 2027 AFC Asian Cup នៅប្រទេសអារ៉ាប៊ីសាអ៊ូឌីតជាម្ចាស់ផ្ទះ៕
