បច្ចុប្បន្ននេះ មានសិល្បករច្រើនណាស់ បានរះលើវិថីសិល្បៈ ដោយក្នុងនោះដែរ បានធ្វើឱ្យអ្នកសិល្បៈជើងចាស់ ជាច្រើននាក់ បាត់ទីផ្សារ ឬខ្លះទៀត មិនសូវសំបូរការងារដូចពីមុន យ៉ាងណាមិញ ពាក្យទាំងនេះហាក់ដូចជាមិនអាចប្រើបានសម្រាប់បុរសខ្ពស់សង្ហា Zono តារាចម្រៀងប្រចាំផលិតកម្ម ហង្សមាសនោះឡើយ ព្រោះគ្រាន់តែបង្ហោះត្រួសៗ លោក មានការងារច្រៀងតាំងពីថ្ងៃពុធ ដល់ថ្ងៃអាទិត្យ ជាប់គ្នា៥ថ្ងៃតែម្ដង។
តាមរយៈផេករបស់លោក Zono តារាចម្រៀងប្រចាំផលិតកម្មហង្សមាស បានចែករំលែកតារាងការងាររបស់ខ្លួនជាមួយនឹងអ្នកគាំទ្រ ដោយនៅក្នុងនោះគេបានមើលឃើញថាលោកមាន Event ត្រូវចូលរួមច្រៀងនៅតាមក្លឹបកម្សាន្ត រាល់ៗយប់តែម្ដង។ លោក Zono បានសរសេររៀបរាប់នៅក្នុងផេករបស់ខ្លួនថា៖ «ម៉ោះដាក់អោយសេដមួយអាទិត្យពេញម៉ង 11th Nexus Club Poipet 12th Deja Vu 13th The WOODS 14th Venoms- BySavage និង 15th The BayView»
តារាចម្រៀង Zono គឺជាសិល្បករមួយរូបដែលមានសមត្ថភាពទេពកោសល្យ ពូកែ ច្រៀងក៏ពីរោះ រីឯការសម្ដែងក៏ល្អ មិនតែប៉ុណ្ណោះទោះលោក ជាអ្នកច្រៀងក្ដី តែលោកមានរូបរាងមុខមាត់សង្ហា មិនចាញ់តារាសម្ដែង ទើបធ្វើឱ្យលោកតែងតែទទួលបានឱកាសសម្ដែងក្នុងខ្សែភាពយន្តភាគទូរទស្សន៍ជាច្រើនផងដែរ៕
