ក្លិបបាល់ទាត់វិសាខា នឹងត្រូវបើកទ្វាកីឡដ្ឋានព្រីនស៍ ជាលើកទី៣ ក្នុងជំនួបសប្ដាហ៍ទី៤ ដើម្បីទទួលក្រុមភ្ញៀវដែលមិនទាន់ចាញ់សោះ ព្រះខ័នរាជស្វាយរៀង នៅលីគកំពូលកម្ពុជា Cambodian Premier League រដូវកាល ២០២៤-២៥ ។
សម្រាប់វិសាខា ក្រោមការដឹកនាំរបស់លោក Kalns Jurgis ឆ្លងកាត់ ៣ប្រកួតរួចមក ឈ្នះតែ ១ប្រកួតប៉ុណ្ណោះ ដោយប្រកួតទី១ ចាញ់ភ្នំពេញក្រោន ៤-២ ប្រកួតទី២ ចាញ់ណាហ្គាវើលដ៍ ១-០ និងប្រកួតចុងក្រោយយកឈ្នះ ឡាយហ្វ ខេត្តព្រះសីហនុ ៣-១ នៅយប់ថ្ងៃទី២៤ ខែសីហា។
ដោយឡែកព្រះខ័នរាជស្វាយរៀង ក្រោមការដឹកនាំរបស់លោក Pep Muñoz បន្តរកបានជ័យជម្នះ ៣ប្រកួតជាប់គ្នា ទិ១ ឈ្នះ Tiffy Army ក្នុងលទ្ធផល ៧-០ ឈ្នះ ISI ដង្កោសែនជ័យ ក្នុងលទ្ធផល ៤-១ និងប្រកួតចុងក្រោយក្រោយយកឈ្នះគិរីវង់សុខសែនជ័យ ក្នុងលទ្ធផល ៦-១ នៅយប់ថ្ងៃទី២៦ ខែសីហា។
តារាងចំណាត់ថ្នាក់ ត្រឹមសប្ដាហ៍ទី៣៖
ពានរង្វាន់លីគកំពូលកម្ពុជា រដូវកាលឆ្នាំ២០២៤-២៥ នេះមានសមាជិកចំនួន១១ក្រុម ដោយប្រកួតប្រជែងពីថ្ងៃទី១០ ខែសីហា ឆ្នាំ២០២៤ ដល់ថ្ងៃទី១៧ ខែឧសភា ឆ្នាំ២០២៥ ខាងមុខ ដោយតម្រូវក្រុមជាសមាជិកប្រកួតវិលជុំសន្សំពិន្ទុចំនួន២ជើង ហើយក្រុមចំណាត់ថ្នាក់លេខ១ដល់លេខ៦ បន្តប្រកួតយកជើងឯក ខណៈក្រុមលេខ៧ ដល់១១ ត្រូវប្រកួតយកចំណាត់ថ្នាក់៕
កម្មវិធីប្រកួត សម្រាប់សប្ដាហ៍ទី៤ ថ្ងៃសៅរ៍-អាទិត្យ នេះ៖
