សិល្បៈជាតិ៖ ថ្មីៗនេះកញ្ញា ខេមា មេតាយេ បានបង្ហាញមុខក្នុងការចូលរួមសម្ដែងភាពយន្តថ្មីមួយដែលមានចំណងថា «ព្រះភូមិ»។ នេះគឺជាភាពយន្តទី ២ ហើយដែលកញ្ញាបានសម្ដែង ក្រោយបង្ហាញមុខក្នុងវិស័យប្រកួតសម្រស់។
ដូចអ្នកគាំទ្រគ្រប់គ្នាបានដឹងមកហើយថា កញ្ញា ខេមា មេតាយេ ទើបតែបញ្ចប់ការប្រកួត Miss Universe Cambodia ឆ្នាំ២០២៤ នាពេលថ្មីៗនេះ ដែលតាមរយៈកម្មវិធីមួយនេះ កាន់តែធ្វើឱ្យកញ្ញាប្រមូលការគាំទ្រពីកម្លាំងហ្វេនបានច្រើនឡើង។ ហើយភាពយន្តថ្មីសន្លាងមួយនេះ ជាស្នាដៃផលិតដោយផលិតកម្ម BONG Film and Media ដែលបានប្រមូលតារាសម្ដែងល្បីៗជាច្រើនដួងមកសម្ដែងរួមគ្នាជាមួយកញ្ញា ខេមា។
យ៉ាងណាមិញ តាមរយៈភាពយន្តនេះ កញ្ញា ខេមា មេតាយេ សម្ដែងជាតួស្រី ស្រីមុំ ដែលនាងបានកើតមកជាមួយសមត្ថភាពពិសេសដែលនាងមិនចង់បាន។ ព្រោះតែនាងអាចឃើញវិញ្ញាណខ្មោចក្នុងរដូវភ្ជុំបិណ្ឌ ហើយនាងក៏ខ្លាចពួកវាដែរ។
សូមជម្រាបថា ភាពយន្ត «ព្រះភូមិ » នឹងចាប់បញ្ចាំងគ្រប់រោងភាពយន្ត ថ្ងៃទី៣ ខែតុលា ឆ្នាំ២០២៤ ខាងមុខនេះតទៅ៕
