ក្រុមបាល់ទាត់ហ្វូតសាលបុរសជម្រើសជាតិថៃ នឹងត្រូវប្រកួតបើកឆាបជួបក្រុមក្រូអាច វគ្គជម្រុះក្នុងពូល នៃព្រឹត្តិការណ៍ប្រកួតពានរង្វាន់បាល់ទាត់ហ្វូតសាលជើងឯកពិភពលោក 2024 FIFA Futsal World Cup នៅថ្ងៃទី១៤ កញ្ញានេះ វេលាម៉ោង ៣:០០នាទីរសៀល នៅក្នុងសាល Bukhara Universal Sports Complex ប្រទេសអ៊ូសបេគីស្ថាន។
ក្រុមបាល់ទាត់ហ្វូតសាលបុរសជម្រើសជាតិថៃ ស្ថិតនៅពូលជាមួយ ប្រេស៊ីល គុយបា និងក្រូអាត ដែលធ្វើឡើងនៅ ប្រទេសអ៊ូសបេគីស្ថាន នឹងចាប់ផ្ដើមប្រកួតវគ្គជម្រុះក្នុងពូលចាប់ពីថ្ងៃទី១៤ ខែកញ្ញាខាងមុខនេះ គ្រោងនឹងរកឃើញម្ចាស់ជើងឯកនៅថ្ងៃទី៦ ខែតុលា ឆ្នាំ២០២៤ខាងមុខ។
កម្មវិធីប្រកួត របស់ក្រុមបាល់ទាត់ហ្វូតសាល ជម្រើសជាតិថៃ៖
- ថ្ងៃទី១៤ កញ្ញា ២០២៤៖ ក្រូអាត ប៉ះ ថៃ នៅក្នុងសាល Bukhara Universal Sports Complex
- ថ្ងៃទី១៧ កញ្ញា ២០២៤៖ ថៃ ប៉ះ គុយបា នៅក្នុងសាល Bukhara Universal Sports Complex
- ថ្ងៃទី២០ កញ្ញា ២០២៤៖ ថៃ ប៉ះ ប្រេស៊ីល នៅក្នុងសាល Bukhara Universal Sports Complex
សម្រាប់ក្រុមចូលរួមមានចំនួន ២៤ប្រទេស ត្រូវបានបែងចែកជា ៦ពូល មានដូចខាងក្រោម៖
ព្រឹត្តិការណ៍ប្រកួតពានរង្វាន់បាល់ទាត់ហ្វូតសាលជើងឯកពិភពលោក FIFA Futsal World Cup ដែលរៀបចំរៀងរាល់ ៤ឆ្នាំម្ដង ធ្វើឡើងដំបូងនៅឆ្នាំ១៩៨៩ ដោយប្រទេសហូឡង់ ធ្វើជាម្ចាស់ផ្ទះ។ ខណ:ក្រុមជម្រើសជាតិប្រេស៊ី ឈ្នះជើងឯកច្រើនជាងគេ ចំនួន ៥លើក អេស្ប៉ាញ ចំនួន ២លើក អាហ្សង់ទីន និងព័រទុយហ្គាល់ ចំនួន ១លើក៕
