ក្រុមជម្រើសជាតិកម្ពុជា ក្រោមការដឹកនាំរបស់លោក Félix Dalmás គ្រូបង្វឹកជនជាតិអាហ្សង់ទីន បានត្រឹមស្មើស្រីលង្កា ប្រកួតជើងទី២ តែយ៉ាងណាកម្ពុជា បានចាញក្នុវគ្គទាត់បាល់ពិន័យ១១ម៉ែត្រ កាត់សេចក្ដីបញ្ចប់ដោយលទ្ធផល ៤ទល់និង២ ក្នុងវគ្គជម្រុះជើងទី២ (Play off) ពានរង្វាន់ប្រចាំទ្វីប AFC Asian Cup Saudi Arabia 2027 នៅថ្ងៃទី១០ កញ្ញា ២០២៤នេះ នៅពហុកីឡដ្ឋានជាតិ (អូឡាំពិក)។
ការប្រកួតនៅក្នុងខែកញ្ញា ដែលក្រុមជម្រើសជាតិកម្ពុជា មានភារកិច្ចប្រកួតជម្រុះ AFC Asian Cup Qualifier ជាមួយស្រីលង្កា ចំនួន២ជើង បានបញ្ចប់ទៅហើយ ក៏ពិតមែន ប៉ុន្តែបើសិនក្រឡេកមើលកម្មវិធីប្រកួតនៅចុងឆ្នាំនេះ ក្រុមជម្រើសជាតិកម្ពុជា ក្នុងពានរង្វាន់នានា ក៏ដូចជាការប្រកួតមិត្តភាពអន្តរជាតិ នាពេលខាងមុខ ក្នុងឆ្នាំ២០២៤។នេះបើយោងតាមការបង្ហាញរបស់ សហព័ន្ធកីឡាបាល់ទាត់កម្ពុជា កាលពីថ្ងៃទី២៦ កក្កដា ២០២៤ កម្មងទៅ។
ក្នុងនេះរួមមាន នៅក្នុងខែកញ្ញាដដែល ក្រុមជម្រើសជាតិ អាយុក្រោម ២០ឆ្នាំកម្ពុជា នឹងត្រូវមានភារកិច្ចចំនួន ៤ប្រកួត គឺត្រូវជួបនេប៉ាល់ អ៊ូបេគីស្ថាន បារ៉ែន និងចិនតៃប៉ិ ក្នុងពានរង្វាន់ AFC U20 Asean Cup ឆ្នាំ២០២៤។
កាលវិភាគ ៤ប្រកួត របស់ក្រុមក្រុមជម្រើសជាតិកម្ពុជា អាយុក្រោម ២០ឆ្នាំ នៅក្នុងខែកញ្ញានេះ៖
- ថ្ងៃទី២១ កញ្ញា៖ នេប៉ាល់ ជួប កម្ពុជា នៅកីឡដ្ឋាន Fu Jen Catholic University
- ថ្ងៃទី២៣ កញ្ញា៖ កម្ពុជា បួប អ៊ូសបេគីស្ថាន នៅកីឡដ្ឋាន Fu Jen Catholic University
- ថ្ងៃទី២៥ កញ្ញា៖ បារ៉ែន ជួប កម្ពុជា នៅកីឡដ្ឋាន Fu Jen Catholic University
- ថ្ងៃទី២៩ កញ្ញា៖ កម្ពុជា ជួប ចិនតៃប៉ិ នៅកីឡដ្ឋាន Fu Jen Catholic University។
ចូលដល់ខែតុលា ក្រុមជម្រើសជាតិកម្ពុជា នឹងមានជំនួនមិត្តភាពអន្តរជាតិចំនួន ២ប្រកួតដោយណាត់ក្រុមជម្រើសជាតិចិនតៃប៉ិ ប្រកួតនៅទឹកដីកម្ពុជា និងមួយប្រកួតទៀត ជួបហុងកុង នៅទឹកដូហុងកុង។
ដោយឡែកសម្រាប់ក្រុមជម្រើសជាតិអាយុក្រោម ១៧ឆ្នាំកម្ពុជា ក៏ត្រូវមានភាពរកិច្ចប្រកួតក្នុងពានរង្វាន់ AFC U17 Asean Cup ឆ្នាំ២០២៤ ដែកកម្ពុជាធ្វើជាម្ចាស់ផ្ទះ ក្នុងខែតុលាដដែល ចំនួន ៤ប្រកួតគឺត្រូវជួប បង់ក្លាដេស ម៉ាកាវ អាហ្វហ្គានីស្ថាន និងហ្វីលីពីន។
តាមការគ្រោងទុលរបស់សហព័ន្ធកីឡាបាល់ទាត់កម្ពុជា ក្នុងបញ្ជីកាលវិភាគប្រកួត នៅក្នុងខែវិច្ឆិកា ខាងមុខក៏នឹងមានការប្រកួតប្រកួតមិត្តភាពអន្តរជាតិមួយទៀតផងដែរ តែលនៅមិនដឹងថាត្រូវជួបក្រុមជម្រើសជាតិមកពីប្រទេសណាឡើយ។
ដោយឡែកសម្រាប់កម្មវិធីប្រកួតចុងក្រោយនៅក្នុងឆ្នាំ២០២៤ ពោលគឺនៅខែវិច្ឆិកា និងធ្នូ ក្រុមជម្រើសជាតិកម្ពុជា នឹងត្រូវចូលរួមប្រកួតក្នុងពានរង្វាន់ជើងឯកប្រចាំតំបន់អាស៊ាន Asean Mitsubishi Electric Cup ឆ្នាំ២០២៤ ចំនួន ៤ប្រកួតទៀតគឺ ជួប ម៉ាឡេស៊ី សិង្ហបុរី (ក្រុមឈ្នះរវាងទីម័រ ឬប្រ៊ុយណេ) និងថៃ។
ស្របពេល នៅព្រឹកថ្ងៃទី១៣ ខែកញ្ញានេះ សហព័ន្ធកីឡាបាល់ទាត់កម្ពុជា បានសម្រេចបញ្ចប់កុងត្រាជាមួយគ្រូបង្គោលក្រុមបាល់ទាត់ជម្រើសជាតិកម្ពុជា គឺលោក Felix Dalmas សញ្ជាតិអាហ្សង់ទីន និងបានប្រកាសតែងតាំងលោក Koji Kyotoku ជាគ្រូបង្វឹកថ្មីបណ្តោះអាសន្ន៕
