ក្រោយទន្ទឹងរងចាំអស់រយៈពេលជាយូរ នៅពេលនេះរឿងភាគដ៏ល្បីរបស់កូរ៉េ «Squid Game» វគ្គទី២ បានចេញផ្សាយ Trailer ផ្លូវការរបស់ខ្លួនហើយ។
ភាពយន្តភាគកូរ៉េដ៏ល្បីល្បាញដែលមានអ្នកគាំទ្រស្ទើទូទាំងពិភពលោកទន្ទឹងរងចាំ ចង់ទស្សនាព្រោះតែការទស្សនានៅវគ្គទីមួយមិនទាន់ឆ្អែត ទីបំផុតការរងចាំនោះត្រូវបានបញ្ចប់ដោយផលិតកម្មបានបញ្ចេញវីដេអូផ្សព្វផ្សាយថ្មីសាច់រឿងនេះឱ្យអ្នកតាមដានបានទស្សនា។
Squid Game វគ្គទីពីរ នឹងមានចាក់ផ្សាយនៅលើ Netflix ដោយ តួអង្គសំខាន់គឺ Lee Jung Jae (ម្ចាស់ពានរង្វាន់ Emmy Award) នឹងបង្ហាញវត្តមានត្រលប់មកវិញ ខណៈដែលនឹងមានតួអង្គសំខាន់ៗថ្មីៗជាច្រើនរូបទៀត មកញ៉ាំងឱ្យសាច់រឿងកាន់តែល្អមើលនឹងជក់ចិត្តទ្វេរដង ក្នុងនោះមានដូចជា Yim Si Wan, Kang Ha Neul, Park Gyu Young, និង Lee Jin Uk។
គួរដឹងថា ភាពយន្តភាគ ដ៏ល្បីល្បាញនេះមានបញ្ចាំងតែនៅលើ App Netflix ប៉ុណ្ណោះ ចំណែកកាលបរិច្ឆេទបញ្ចាំងបានកំណត់យកថ្ងៃ២៥ ខែធ្នូ ឆ្នាំ២០២៤ ដោយពោលគឺនៅក្រោយពិធីបុណ្យដ៏ធំនៅអ៊ឺរ៉ុប ឬហៅថាវិស្សមកាលរយៈពេលវែងរបស់បងប្អូនប្រជាជននៅប៉ែកអ៊ឺរ៉ុប និងអាមេរិក៕
