ភ្នំពេញ៖ កាលពីថ្ងៃទី២២ ខែកញ្ញាឆ្នាំ២០២៤ កម្លាំងអធិការដ្ឋាននគរបាលខណ្ឌសែនសុខបានបញ្ជូនខ្លួនជនសង្ស័យចំនួន០៤នាក់ ពាក់ព័ន្ធករណីហិង្សាដោយចេតនា នៅចំណុចមុខស្ថានីប្រេងសាវីមិច ខណ្ឌសែនសុខ ទៅអយ្យការអមសាលាដំបូងរាជធានីភ្នំពេញ ដើម្បីធ្វើការសាកសួរ។
ដោយអនុវត្តតាមបទបញ្ជាផ្ទាល់របស់ឯកឧត្ដម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី២១ ខែកញ្ញា ឆ្នាំ២០២៤ កម្លាំងអធិការដ្ឋាននគរបាលខណ្ឌសែនសុខ ដឹកនាំដោយលោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ ធ្វើការឃាត់ខ្លួនជនសង្ស័យចំនួន០៤នាក់ ពាក់ព័ន្ធករណីហិង្សាដោយចេតនា (ព្រួតគ្នាវាយ បណ្តាលឱ្យរបួស) ប្រព្រឹត្តល្មើសនៅចំណុចមុខស្ថានីប្រេងសាវីមិច ស្ថិតភូមិត្រពាំងជើងស្រុក សង្កាត់ ក្រាំងធ្នង់ ខណ្ឌសែនសុខ កាលពីថ្ងៃទី១៩ ខែកញ្ញា ឆ្នាំ២០២៤ វេលាម៉ោងប្រហែល២៣:៣០នាទី។
ឃាត់ខ្លួនជនសង្ស័យចំនួន០៤នាក់៖ ១. ឈ្មោះ តាំង សឿន ភេទប្រុសអាយុ៤៨ ឆ្នាំ មុខរបរទាហាន ២. ឈ្មោះ សារ៉ូ អក្ករ៉ា ភេទប្រុស, ៣. ឈ្មោះ អាន់ សុខា ភេទប្រុស និង៤. ឈ្មោះ លុច្យ បុនលី ភេទប្រុស៕
អត្ថបទ៖ ចតុម្មុខ
