ខេត្តកំពង់ឆ្នាំ ជួបភ្នំពេញហ្គាឡាក់ស៊ី តាកែវ អេហ្វស៊ី ជួបខេត្តព្រះសីហនុ និងខេត្តស្វាយរៀង ជួបខេត្តកណ្ដាល នៃការប្រកួតពានរង្វាន់សម្តេចអគ្គមហាសេនាបតីតេជោ ហ៊ុន សែន ( Hun Sen Cup) ថ្នាក់ខេត្ត លើកទី១៨ ឆ្នាំ ២០២៤-២០២៥ និងត្រូវធ្វើឡើងចាប់ពីថ្ងៃអង្គារ ទី២៤ ខែកញ្ញា ឆ្នាំ២០២៤នេះ។
ក្នុងនោះសម្រាប់ការប្រកួតនៅសប្ដាហ៍ទី១ មានរយ:ពេល ៣ថ្ងៃគឺ ថ្ងៃទិ២៤-២៥ និងថ្ងៃទី២៦ កញ្ញា ដោយមានការប្រកួតសរុបចំនួន ៧គូនៅលើ ៧ទីលានផ្សេងគ្នា។
កម្មវិធីប្រកួត នៅសប្ដាហ៍ទី១ ថ្ងៃទី២៤-២៥ និងថ្ងៃទី២៦ កញ្ញានេះ មានដូចខាងក្រោម៖
ក្រុមទាំង២១ តំណាងរាជធានី-ខេត្ត នៅកម្ពុជា ដែលបានចាប់ពូលរួចរាល់រួមមានដូចខាងក្រោម៖
ខេត្តក្រចេះ រតន:គិរី កោះកុង និងកំពត មិនមានក្រុមតំណាងខេត្តរបស់ខ្លួនចូលរួមប្រកួតពានរង្វាន់ សម្តេចអគ្គមហាសេនាបតីតេជោ ហ៊ុន សែន លើកទី១៨ (Hun Sen Cup) ឆ្នាំ២០២៤/២៥ (ថ្នាក់ខេត្ត) ឡើយ។ ខណ:ក្រុមទាំង២១ តំណាងរាជធានី-ខេត្ត នៅកម្ពុជា បានបង្ហាញវត្តមានប្រកួតប្រជែងនៅក្នុងរដូវកាលថ្មីនេះ។
រំលឹកថា សម្រាប់ពានរង្វាន់សម្តេចអគ្គមហាសេនាបតីតេជោ ហ៊ុន សែន ( Hun Sen Cup) ថ្នាក់ខេត្ត លើកទី១៧ ឆ្នាំ ២០២៣-២០២៤ ក្រុមមន្ទីរ អយក ខេត្តកំពង់ចាម បានក្លាយជាម្ចាស់ជើងឯក ក្រោយយកឈ្នះត្បូងឃ្មុំ ក្នុងលទ្ធផល ២-០ នៅវគ្គផ្ដាច់ព្រ័ត្រ កាលពីថ្ងៃទី២៤ ខែវិច្ឆិកា ឆ្នាំ២០២៣ នៅក្នុងពហុកីឡដ្ឋានជាតិ។
គួរបញ្ជាក់ថា សម្រាប់ម្ចាស់ជើងឯកនៃពានរង្វាន់សម្តេចអគ្គមហាសេនាបតីតេជោ ហ៊ុន សែន ( Hun Sen Cup) ថ្នាក់ខេត្ត ចាប់តាំងពីបង្កើតបន្ថែមនូវពានរង្វាន់ សម្ដេចអគ្គមហាសេនាបតីតេជោ ហ៊ុន សែន ថ្នាក់ខេត្ត ក្នុង ឆ្នាំ២០១៨ មកដល់ឆ្នាំ២០២២ មានក្រុមចំនួន៦ ផ្សេងគ្នាបានគ្រងតំណែងជើងឯក រួមមាន៖
លើកទី១ ឆ្នាំ២០១៨៖ យុវជនសាលាបាល់ទាត់ជាតិបាទីអាយុក្រោម១៨ឆ្នាំ
លើកទី២ ឆ្នាំ២០១៩៖ ខេត្តត្បូងឃ្មុំ
លើកទី៣ ឆ្នាំ២០២០៖ ព្រៃវែងអេហ្វស៊ី
លើកទី៤ ឆ្នាំ២០២១៖ កោះកុងអេហ្វស៊ី
លើកទី៥ ឆ្នាំ២០២២៖ ភ្នំពេញហ្គាឡាក់ស៊ី
លើកទី៦ ឆ្នាំ២០២៣៖ ខេត្តកំពង់ចាម៕
