ស សុខាពលៈ សមាជិករបស់ក្លិបបាល់ទាត់វិសាខា ដែលកំពុងលេងនៅក្រុមយុវជនអាយុក្រោយ ១៦ឆ្នាំ គឺជាកីឡាករតែម្នាក់បង្ហាញខ្លួនឱ្យក្លិបវិសាខា ទាំងលើទីលាន និងនៅ eFootball។
ស្ថិតនៅក្នុងបញ្ជីឈ្មោះអ៊ីខេមបូឌានព្រីមៀរលីគ ឆ្នាំ២០២៤/២០២៥ យុវជន ស សុខាពលៈ នឹងលេងតំណាងឱ្យក្លិបបាល់ទាត់វិសាខា នៅ eFootball នៃការប្រកួតលីគ ក្នុងវិញ្ញាសារ Console។
ក្នុងនោះសម្រាប់បញ្ជីឈ្មោះកីឡាករ និងក្លឹបបាល់ទាត់កម្ពុជាទាំង ១១ នៅលីគកំពូលកកម្ពុជា នឹងត្រូវចាប់ឆ្នោត នៅថ្ងៃពុធ ទី២៥ ខែកញ្ញា ឆ្នាំ២០២៤នេះ នៅសណ្ឋាគារ Fairfield by Marriott។
សម្រាប់ការប្រកួតពានរង្វាន់ជម្រើសជើងឯកយុវជនអាយុក្រោម ១៦ឆ្នាំ Cambodian Youth League U16 2024 វិញ យុវជន ស សុខាពលៈ បានចូលរួមចំណែកជួយក្រុមយុវជនអាយុក្រោម ១៦ឆ្នាំ របស់វិសាខា ឈរកំពូលតារាង និងជាក្រុមតែមួយគត់ដែលរក្សាជ័យជម្នះបានវែងជាងគេ រហូតដល់ ១៥ប្រកួតជាប់គ្នា គិតត្រឹមសប្ដាហ៍ទី១៦៕
