អ្នកគាំទ្រតារាចម្រៀងស្រី K-Pop នៃក្រុម Blackpink កំពុងតែមានការភ្ញាក់ផ្អើលខ្លាំង នៅពេលដែលតារាស្រីរូបនេះទទួលបានឱកាសឡើងសម្ដែងនៅលើវេទិកា Global Citizen Festival កាលពីថ្ងៃទី២៨ ខែកញ្ញា កន្លងទៅ យ៉ាងណាមិញអ្វីដែលគួរឱ្យចាប់អារម្មណ៍ខ្លាំង នៅថ្ងៃទី៣ ខែតុលា Lisa ត្រៀមនឹងបញ្ចេញបទចម្រៀងដែលមានខ្លឹមសារ និយាយពីបុរសបណ្ដូលចិត្ត Frederic ។
នៅក្នុងកម្មវិធី Global Citizen Festival ដែលបានរៀបចំឡើងញូវយ៉ក កាលពីថ្ងៃទី២៨ ខែកញ្ញា Lisa បានឡើងច្រៀង និងសម្ដែងនៅក្នុងកម្មវិធី ដោយសម្ដែងបទ Money, Rockstar និង New Woman មកសម្ដែង ព្រមទាំងបានធ្វើឱ្យអ្នកគាំទ្រភ្ញាក់ផ្អើលតាមរយៈការសម្ដែងបទ Moonlit Floor ដែលត្រៀមបញ្ចេញឱ្យអ្នកគាំទ្រស្ដាប់ នៅថ្ងៃទី៣ តុលា មកសម្ដែងជាលើកដំបូងផងដែរ។
ក្រោយចម្រៀងបទនោះ រួច Lisa ត្រូវបានគេបង្អាប់ថាកំពុងតែធ្លាក់ក្នុងអន្លង់ស្នេហ៍ខ្លាំង ព្រោះក្រោយពីមានដំណឹងចចាមអារ៉ាម ថានាងនិងកូនមហាសេដ្ឋីពិភពលោកម្ចាស់ប្រេន LVMH លោក frederic arnault កំពុងបង្កាត់ភ្លើងស្នេហ៍ជាមួយគ្នា ព្រោះឧស្សាហ៍បង្ហាញវត្តមានជាមួយគ្នា ប៉ុន្តែអ្នកទាំងពីរមិនដែលចេញមកប្រកាសពីទំនាក់ទំនងនេះឡើយ។
ទោះជាយ៉ាងនេះក្ដី បទ Moonlit Floor ដែលបានបំផ្លែងពីបទ Kiss Me របស់ Sixpence non the Rich ធ្វើឱ្យអ្នកគាំទ្រអៀនជំនួស និងយល់បានពីទំហំចិត្តនៃក្ដីស្រលាញ់ដែល លីសា មានចំពោះបុរសកំពូលស្នេហ៍ ព្រោះនៅក្នុងខ្លឹមសារមាននិយាយដល់ បុរសជាគូស្នេហ៍ និងការថើបគ្នានៅក្រុងប៉ារីសថែមទៀតផង។
ក្រោយស្ដាប់ខ្លឹមសាររួច ម្នាក់ៗយល់ថាបុរសដែលស្ថិតក្នុងខ្លឹមសារចម្រៀងរបស់ លីសា គឺជា Frederic Arnault បុរសជនជាតិបារាំង ដែលមានភ្នែកខៀវ ដែលគេសន្មត់ថា ការឡើងច្រៀងនេះ គឺជាឱកាសនៃការប្រកាសពីទំនាក់ទំនងស្នេហ៍រវាងខ្លួន និងបុរសកំពូលស្នេហ៍ នៅលើឆាកក៏ថាបាន៕
