ផ្ទុះនូវការចាប់អារម្មណ៍ជាថ្មីទៀតហើយ ក្រោយតារាចម្រៀងរ៉េប Offset បានចេញមកអះអាងថាភរិយាខ្លួន គឺ Cardi B បានលបលួចមានទំនាក់ទំនងផ្លូវកាយស៊ីជម្រៅជាមួយនឹងបុរសផ្សេង។
ស្ថិតនៅក្នុងដំណាក់កាលនៃដំណើរការលែងលះមិនទាន់ដាច់ស្រេច រវាងខ្លួន និង Cardi B តារាចម្រៀង Rap លោក offset បាន Comment នៅក្នុងការ Live មួយរបស់ Cardi B កាលពីថ្ងៃពុធកន្លងទៅ ដោយបានចោទប្រកាន់ថា ភរិយាខ្លួនបានលបលួចបែកចិត្តនិងមានទំនាក់ទំនងផ្លូវកាយស៊ីជម្រៅជាមួយនឹងបុរសផ្សេង នៅក្នុងខណៈដែលនាងកំពុងតែពពោះកូនទី៣ របស់ពួកគេ។ លោកបានសរសេរ ដោយភាសាគ្រោតគ្រាត ដោយយើងខ្ញុំសូមសម្រួលខ្លឹមសារជូនយ៉ាងដូច្នេះថា៖ នាងបានលបលួចមានទំនាក់ទំនងផ្លូវកាយបែបស៊ីជម្រៅជាមួយគេទាំងកំពុងពពោះ និយាយការពិតទៅ ដោយលោកបាន Screenshot រូបភាពនេះ ហើយយកមក Share លើបណ្ដាញសង្គម X។ ខណៈដែលមិនយូរប៉ុន្មាន Cardi B ហាក់ដូចជាឆ្លើយតបទៅនឹងអ្វីដែលជាការចោទប្រកាន់របស់ Offset នៅលើបណ្ដាញសង្គម X របស់ខ្លួនវិញថា «មែនខ្ញុំបានធ្វើវា»
ទោះជាមានការលើកឡើងបែបនេះរវាងម្ចាស់បទ «Money» នាង Cardi B និងស្វាមី Offset ក៏ពិតមែន ប៉ុន្តែមិនមានសេចក្ដីបញ្ជាក់ណាមួយ ស្ដីពីបញ្ហាខាងលើនេះថាបានកើតឡើងនៅពេលណាឡើយ ខណៈដែលទំនាស់ឈានដល់ការប្ដឹងលែងលះ រវាងតារាទាំងពីរនេះ បានកើតឡើងនិងអូសបន្លាយតាំងពីខែកក្កដា មកម្ល៉េះ៕
