ក្រុមបាល់ទាត់ហ្វូតសាលបុរសជម្រើសជាតិប្រេស៊ីល បានធ្វើដំណើរឡើងមកកាន់វគ្គផ្ដាច់ព្រ័ត្រជាលើកទី៧ នៃពានរង្វាន់បាល់ទាត់ហ្វូតសាលជើងឯកពិភពលោក 2024 FIFA Futsal World Cup ដែល ប្រទេសអ៊ូសបេគីស្ថាន ធ្វើជាម្ចាស់ផ្ទះ។
ក្នុងការចូលរួមប្រកួតពានរង្វាន់បាល់ទាត់ហ្វូតសាលជើងឯកពិភពលោកប្រេស៊ីល ឡើងមកកាន់វគ្គផ្សាច់ព្រ័ត្រ ៦លករួមមកហើយរួមមាន៖ ១៩៨៩, ១៩៩២, ១៩៩៦, ២០០០, ២០០៨ និង ២០១២ និងធ្លាប់ឈ្នះជើងឯកចំនួន ៥លើក (១៩៨៩, ១៩៩២, ១៩៩៦, ២០០៨, ២០១២)។
ដោយឡែកសម្រាប់ក្រុមបាល់ទាត់ហ្វូតសាលបុរសជម្រើសជាតិអាហ្សង់ទីន ដែលជាគូប្រជែងជើងឯកនៅឆ្នាំនេះ គឺជាការឡើងមកកាន់វគ្គផ្ដាច់ព្រ័ត្រ ៣ឆ្នាំជាប់គ្នា នៅឆ្នាំ២០០៦ ទទួលបានជើងឯកក្រោយឈ្នះរុស្សី ៥-៤ នៅឆ្នាំ២០២១ ឡើងវគ្គផ្ដាច់ព្រ័ត្រចាញ់ព័រទុហ្គាល់ ២-១។
ដូចនេះសម្រាប់ការប្រកួតនៅវគ្គផ្ដាច់ព្រ័ត្រពានរង្វាន់បាល់ទាត់ហ្វូតសាលជើងឯកពិភពលោក 2024 FIFA Futsal World Cup ក្រុមបាល់ទាត់ហ្វូតសាលបុរសជម្រើសជាតិប្រេស៊ីល នឹងត្រូវជួបអាហ្សង់ទីន នៅថ្ងៃទី៦ តុលា ២០២៤ នៅក្នុងសាល Humo Arena វេលាម៉ោង ៨:០០នាទីយប់។
ព្រឹត្តិការណ៍ប្រកួតពានរង្វាន់បាល់ទាត់ហ្វូតសាលជើងឯកពិភពលោក FIFA Futsal World Cup ដែលរៀបចំរៀងរាល់ ៤ឆ្នាំម្ដង ធ្វើឡើងដំបូងនៅឆ្នាំ១៩៨៩ ដោយប្រទេសហូឡង់ ធ្វើជាម្ចាស់ផ្ទះ។ ខណ:ក្រុមជម្រើសជាតិប្រេស៊ី ឈ្នះជើងឯកច្រើនជាងគេ ចំនួន ៥លើក អេស្ប៉ាញ ចំនួន ២លើក អាហ្សង់ទីន និងព័រទុយហ្គាល់ ចំនួន ១លើក៕
