ក្រុមជម្រើសជាតិឆាយនីស តៃបុិ ក្រោមការដឹកនាំរបស់លោក Gary White បានកោះហៅកីឡាករសរុប២៣នាក់ ក្នុងនោះមានកីឡាករកូនកាត់៦នាក់ត្រូវបានកោះហៅជាលើកដំបូង ត្រៀមជួបក្រុមជម្រើសជាតិកម្ពុជា ការប្រកួតមិត្តភាពអន្តរជាតិ នៅថ្ងៃទី១១ ខែតុលា ឆ្នាំ២០២៤ នៅពហុកីឡដ្ឋានជាតិ វេលាម៉ោង ៧:០០យប់។
កីឡាករ៦រូបរួមមានដូចជា៖
- កីឡាករ Isaac Romero កូនកាត់អាមេរិក-ឆាយនីសតៃបុិ
- កីឡាករ Christopher Tiao កូនកាត់អាមេរិក-ឆាយនីសតៃបុិ
- កីឡាករ Odo Jacobs កូនកាត់ហូឡង់-ឆាយនីសតៃបុិ
- កីឡាករ William López កូនកាត់ អែលសាល់វ៉ាឌ័រ-ឆាយនីសតៃបុិ
- កីឡាករ Kang Tae-won កូនកាត់ កូរ៉េខាងត្បូង-ឆាយនីសតៃបុិ
- កីឡាករ Martin Baudelet កូនកាត់ បារាំង-ឆាយនីសតៃបុិ។
ប្រវត្តិជួបគ្នា ៣លើកចុងក្រោយរវាងក្រុមកម្ពុជា និងឆាយនីសតៃបុិ៖
- ៨ តុលា ២០១៤ ឆាយនីសតៃបុិ ០-២ កម្ពុជា មិត្តភាពអន្តរជាតិ
- ២ មិថុនា ២០១៦ ឆាយនីសតៃបុិ ២-២ កម្ពុជា AFC Asian Cup
- ៧ មិថុនា ២០១៦ កម្ពុជា ២-០ ឆាយនីសតៃបុិ AFC Asian Cup។
ក្រោយចប់ការប្រកួតទល់នឹងឆាយនីសតៃបុិ នៅថ្ងៃទី១៥ ខែតុលា ឆ្នាំ២០២៤ ក្រុមជម្រើសជាតិកម្ពុជា នឹងត្រូវជួបហុងកុង នៅកីឡដ្ឋាន Hong Kong ការប្រកួតមិត្តភាពអន្តរជាតិ។
គួរដឹងថានេះគឺជាត្រៀមខ្លួនសម្រាប់ពានរង្វាន់ 2024 ASEAN Championship (AFF Mitsubishi Electric Cup) ដែលគ្រោងនឹងចាប់ផ្តើម (ថ្ងៃទី៨ ខែធ្នូ ឆ្នាំ២០២៤ ដល់ថ្ងៃទី៥ ខែមករា ឆ្នាំ២០២៥) ដោយកម្ពុជា ស្ថិតនៅពូល A ជាមួយថៃ, ម៉ាឡេស៊ី, សិង្ហបុរី និង ប្រ៊ុយណេ/ទីម័រខាងកើត៕
