យោងតាមការបង្ហាញរបស់ផេកផ្លូវការរបស់ TIFFY ARMY FC Academy នៅព្រឹកថ្ងៃទី១៧ តុលានេះ ក្រុមយុវជនអាយុក្រោម១៦ ឆ្នាំ របស់សមគមកីឡាបាល់ទាត់កងយោធពលខេមរភូមិន្ទ នឹងត្រូវមានបេសកម្មថ្មីមួយទៀត ដោយត្រូវទៅចូលរួមក្នុងការប្រកួតពានរង្វាន់ The 2024 Tiayu Liufang Cup U16 នៅខេត្តយូណាន ប្រទេសចិន។
ការប្រកួតពានរង្វាន់ The 2024 Tiayu Liufang Cup U16 ដែលក្រុមយុវជនអាយុក្រោម១៦ ឆ្នាំ របស់សមគមកីឡាបាល់ទាត់កងយោធពលខេមរភូមិន្ទ ត្រៀមទៅចូលរួម គ្រោងរៀបចំការប្រកួតចាប់ពីថ្ងៃទី២១ ដល់ថ្ងៃទី២៩ ខែតុលា ឆ្នាំ២០២៤ នៅខេត្តយូណាន ប្រទេសចិន។
រំលឹកថា ក្រុមយុវជនអាយុក្រោម១៦ ឆ្នាំ របស់សមគមកីឡាបាល់ទាត់កងយោធពលខេមរភូមិន្ទ ក្នុងការប្រកួតពានរង្វាន់លីគយុវជនកម្ពុជា (Cambodian Youth League 2024) បានបញ្ចប់ត្រឹមចំណាត់ថ្នាក់លេខ៣ ដោយ ១៨ប្រកួត ឈ្នះ១០ ស្មើ៣ និងចាញ់ ៥ មាន ៣៣ពិន្ទុ។
ដូចនេះ តាមរយ:រូបមន្ត ក្នុងការប្រកួតពានរង្វាន់លីគយុវជនកម្ពុជា (Cambodian Youth League 2024) ក្រុមយុវជនអាយុក្រោម១៦ ឆ្នាំ របស់សមគមកីឡាបាល់ទាត់កងយោធពលខេមរភូមិន្ទ នឹងត្រូវជួបព្រះខ័នរាជស្វាយរៀង អ្នកឈ្នះនឹងត្រូវបន្តជួប ក្រុមសៀមរាប យូណាធីត ដើម្បីឡើងទៅកាន់វគ្គផ្ដាច់ព្រ័ត្រ ជួបវិសាខា នៅថ្ងៃទី៣ ខែវិច្ឆិការ ឆ្នាំ២០២៤៕
