Sunny Leone គឺជាតារាសម្ដែងកុនអាសអាភាសកាណាដា, ជាអ្នកជំនួញនិងជាអ្នកម៉ូដែលសញ្ជាតិពីរអាមេរិកនិងកាណាដា។ ស្រីស្អាតរូបនេះបានជាប់ឈ្មោះជានារីពេញនិយមបំផុតប្រចាំឆ្នាំ២០០៣ នៅលើទស្សនាវដ្ដី Penthouse Pet ហើយក៏ជាតារាកុងត្រាប្រចាំផលិតកម្ម Vivid ផងដែរ។
ប៉ុន្តែតើមានអ្នកណាដឹងខ្លះថា ស្រីស្រស់ដ៏ល្បាញល្បីក្នុងវិស័យកុនកូនជ្រូករូបនេះស្គាល់រសជាតិស្នាមថើបដំបូងនៅវ័យត្រឹមតែ ១១ឆ្នាំ និងស្គាល់រសជាតិស្នេហ៍ដំបូងនៅអាយុត្រឹម ១៦ឆ្នាំ?
សម្រាប់កេរ្តិ៍ឈ្មោះរបស់ Sunny Leone មានភាពល្បីល្បាញឬអត់នោះមិនមានអ្វីគួរជាទីសង្ស័យនោះឡើយព្រោះ ស្រីស្អាតកូនកាត់ច្រើនសាសន៍រូបនេះឈ្មោះជាប់តារាស្រីសម្ដែងរឿង១៨+ឆ្នើមទាំង១២នៅក្នុងឆ្នាំ២០១០ ចាត់ចំណាត់ថ្នាក់ដោយទស្សនាវដ្ដី Maxim ក្រៅពីនេះ Sunny ក៏ធ្លាប់សម្ដែងជាតួអង្គក្នុងរឿងភាពយន្តខ្នាតធំ និង ភាពយន្តទូរទស្សន៍ផងដែរ។
ងាកមកប្រវត្តិឯកជនវិញ Sunny Leone កើតនៅតំបន់ Sarnia ក្នុងក្រុង Ontario នាប្រទេសកាណាដា មានឪពុកម្ដាយមកពីប្រទេសឥណ្ឌា។ ឪពុករបស់ Sunny Leone កើតនៅទីបេ និងធំធាត់នៅទីក្រុង Delhi ខណៈដែលម្ដាយរបស់នាងមានដើមកំណើតមកពីទីក្រុងតូច Nahan ក្នុងសង្កាត់ Sirmaur រដ្ឋ Himachal Pradesh ប្រទេសឥណ្ឌា លោកស្រីបានស្លាប់បាត់បង់ជីវិតកាលពីឆ្នាំ ២០០៨។
កាលពីក្មេង នាងជាក្មេងស្រីម្នាក់ដែលចូលចិត្តកីឡាបែបអត្តពលកម្ម នាងលេងកីឡា Street Hockey ជាមួយនឹងក្មេងប្រុសៗ ហើយតែងតែលេងកីឡា Ice Skating នៅក្បែរបឹងទឹកកក និងផឹកសូកូឡាក្ដៅនៅចំពោះមុខភ្នក់ភ្លើងក្រោយពីលេងកីឡានេះក្រោមទឺកកកធ្លាក់ពេញមួយថ្ងៃ។
ទោះជានាងត្រូវបានចិញ្ចឹមជាអ្នកគោរពសាសនានិកាយ Sikh (សាសនាមួយនៅឥណ្ឌា) ប៉ុន្តែឪពុកម្ដាយនាងចុះឈ្មោះឱ្យនាងចូលរៀននៅសាលា Catholic ព្រោះបារម្ភថានាងគ្មានសុវត្ថិភាពបើចូលសិក្សានៅសាលារដ្ឋ។ នៅក្នុងសាលានោះនាងបានស្គាល់រសជាតិស្នាមថើបដំបូងត្រឹមអាយុ១១ឆ្នាំ។ ចូលមកមដល់អាយុ១៦ឆ្នាំ ស្រីស្អាតរូបនេះបានបាត់បង់ភាពបរិសុទ្ធឱ្យកីឡាករបាល់បោះម្នាក់នៅសាលាផ្សេង ហើយបានរកឃើញថាខ្លួនឯងជាមនុស្សប្រភេទស្រលាញ់ភេទដូចគ្នានៅអាយុ១៨ឆ្នាំ។
កាលពីអាយុ១៣ឆ្នាំ គ្រួសាររបស់ Sunny Leone បានបំផ្លាស់ទីលំនៅពីមួយកន្លែងទៅមួយកន្លែងចាប់ផ្ដើមពី Fort Gratiot ទៅ Michigan រួចទៅ Lake Forest និងចុងក្រោយទៅ California ដើម្បីសម្រេចក្ដីប្រាថ្នារបស់ជីដូនជីតារបស់នាងដែលចង់ឃើញគ្រួសារបានរស់នៅជួបជុំគ្នានៅកន្លែងតែមួយ។ នាងបានបញ្ចប់ការសិក្សាថ្នាក់វិទ្យាល័យនៅឆ្នាំ១៩៩៩ ហើយបានចុះឈ្មោះចូលមហាវិទ្យាល័យភ្លាមៗតែម្ដង។
Sunny Leone កើតនៅថ្ងៃទី១៣ ខែឧសភា ឆ្នាំ១៩៨១ បច្ចុប្បន្នមានវ័យ ៤០ឆ្នាំគត់ កំពុងតែជោគជ័យយ៉ាងខ្លាំងនៅក្នុងអាជីពរបស់ខ្លួន ទោះជាធ្លាប់ឆ្លងកាត់ការព្រមាន និងការរិះគន់នៅក្នុងកម្មវិធីប្រគល់រង្វាន់ពីសំណាក់ជនជាតិឥណ្ឌានិកាយ Sikh ដោយសារតែអាជីពរបស់ខ្លួនជាតួស្រីសម្ដែងកុនកូនជ្រូក(កុនអាសអាភាស) បានក្លាយជាពិធីករកម្មវិធីណាត់ជួបដ៏ល្បីមួយនៅលើកញ្ចក់ទូរទស្សន៍ MTV និងសម្ដែងភាពយន្តភាគទូរទស្សន៍ជាច្រើនទៀត។
Sunny Leone បានរៀបអាពាហ៍ពិពាហ៍ជាមួយនឹងមេដៃហ្គីតាលោក Daniel Weber នៃក្រុមតន្ត្រីរ៉ក់ «The Disparrows» ព្រមទាំងមានផលិតកម្មជារបស់ខ្លួន។ អ្នកទាំងពីរមានកូនចំនួន ៣នាក់ (ប្រុស២ ស្រី១) ជាចំណងដៃនៃអាពាហ៍ពិពាហ៍ដែលបានរៀបចំឡើងកាលពីថ្ងៃទី២០ ខែមករា ឆ្នាំ២០១១កន្លងមក៕
ប្រែសម្រួល៖ កាច្រឹប
