ពានរង្វាន់លីគកំពូលកម្ពុជា (Cambodian Premier League 2024-25) នឹងត្រឡប់មកវិញនៅចុងសប្តាហ៍នេះ ដោយនៅថ្ងៃសុក្រ ទី២២ ខែវិច្ឆិកា ឆ្នាំ២០២៤ ក្រុមឡាយហ្វ ខេត្តព្រះសីហនុ ត្រូវទទួលក្រុមបាល់ទាត់ក្រសួងមហាផ្ទៃ នៅកីឡដ្ឋានឡាយហ្វ ខេត្តព្រះសីហនុ ដែលជាគូបើកឆាកសប្តាហ៍ទី១៣។
ដោយឡែកងាកមកចាប់អារម្មណ៍ការកម្មវិធីប្រកួតរបស់ក្លិបបាល់ទាត់អង្គរថាយហ្គឺរ វិញត្រូវបានសម្រាក ខណ: ៣ប្រកួតបន្ទាប់ ត្រូវបានផ្លាស់ប្ដូរកាលវិភាគ ក៏ដូចជាទីតាំងប្រកួត ដោយពិនិត្យមើលកំណែចុងក្រោយដែលបានធ្វើក្នុងបច្ចុប្បន្នភាពជាមួយនឹងការកែតម្រូវខាងក្រោម៖
•អង្គរថាយហ្គឺរ ជួប កងយោធពលខេមរភូមិន្ទ នៅថ្ងៃទី ២២ ខែធ្នូឆ្នាំ២០២៤ ត្រូវមកប្រកួតនៅថ្ងៃទី ០១ ខែធ្នូ ឆ្នាំ២០២៤វិញ
• ថ្ងៃទី ០៤ ខែមករា ឆ្នាំ២០២៥ អង្គរថាយហ្គឺរ ជួប គិរីវង់ សុខសែនជ័យ ប្ដូរពីកីឡដ្ឋាន Akihiro Kato មកកីឡដ្ឋាន AIA KMH Park វិញ
• អង្គរថាយហ្គឺរ ជួប ឡាយហ្វ៍ (ព្រះសីហនុ) នៅថ្ងៃទី ១៦ ខែកុម្ភៈ ឆ្នាំ២០២៥ ត្រូវមកប្រកួតនៅថ្ងៃទី ១៥ ខែកុម្ភៈ ឆ្នាំ២០២៥វិញ
ក្លិបបាល់ទាត់អង្គរថាយហ្គឺរ នៅរដូវកាលឆ្នាំ២០២៤-២៥នេះ កំពុងធ្វើបានយាងល្អ ដោយឆ្លងកាត់ ១១ប្រកួតកន្លងមក ឈ្នះ៧ប្រកួត ឆ្នើ ១ប្រកួត និងចាញ់ ៣ប្រកួតប៉ុណ្ណោះ កំពុងឈរនៅចំណាច់ថ្នាក់លេខ ៣ ក្នុងតំបន់Top4។
កម្មវិធីប្រកួត សម្រាប់សប្ដាហ៍ទី១៣៖
ពានរង្វាន់បាល់ទាត់លីគកំពូលកម្ពុជា មានសមាជិក១១ក្រុម ដោយត្រូវប្រកួតគ្នាវិលជុំចំនួន២ជើង ហើយក្រុមដែលមានពិន្ទុច្រើនជាងគេ ចំនួន៦ក្រុមមានឈ្មោះបន្តការប្រកួតយកជើងឯកប្រចាំរដូវកាល ខណៈក្រុម៧នៅខាងក្រោមត្រូវប្រកួតគ្នា យកចំណាត់ថ្នាក់ល្អរៀងៗខ្លួន។
ក្រុមជើងឯកប្រចាំរដូវកាលក្នុងលីគកំពូលកម្ពុជា នឹងមានឈ្មោះតំណាងឱ្យប្រទេសកម្ពុជា ចេញទៅប្រកួតក្នុងពានរង្វាន់ជើងឯកប្រចាំតំបន់អាស៊ាន និងប្រចាំទ្វីបអាស៊ី ផងដែរ៕
