កំពុងត្រៀមខ្លួនបានយ៉ាងល្អ ទាំងការហ្វឹកហាត់ និងប្រមូលផ្ដុំកីឡាករ ខណ:កាលពីពេលថ្មីៗនេះ ក្លិបបាល់ទះស្នងការដ្ឋាននគរបាលខេត្តរតនគិរី បានបញ្ជីឈ្មោះកីឡាករទាំង ១៤នាក់ និង បម្រុង ០៤នាក់ សំរាប់ត្រៀមចូលរួមការប្រកួតដណ្តើមពានរង្វាន់សម្តេចក្រឡាហោម ស ខេង ឆ្នាំ២០២៤ នាពេលខាងមុខ។
បញ្ជីឈ្មោះកីឡាករទាំង ១៤នាក់ និង បម្រុង ០៤នាក់ របស់ក្លិបបាល់ទះស្នងការដ្ឋាននគរបាលខេត្តរតនគិរី មានដូចខាងក្រោម៖
ព្រឹត្តិការប្រកួតពានរង្វាន់កីឡាបាល់ទះសម្តេចក្រឡាហោម ស ខេង លើកទី៣ ឆ្នាំ២០២៤ គ្រោងនឹងចាប់ផ្ដើមដំណើរការប្រកួតនៅរដូវកាលថ្មីនាពាក់កណ្ដាលខែធ្នូ ឆ្នាំ២០២៤ នេះ ដែលទទួលបានការគាំទ្រឧបត្ថម្ភជាមួយ ក្រុមហ៊ុន ខ្មែរ ប៊ែវើរីជីស។
ជុំវិញចំណុចសំខាន់ៗនៃពានរង្វាន់សម្ដេចក្រឡាហោម ស ខេង រដូវកាលទី៣ ឆ្នាំ២០២៤ មានដូចជា៖
– ក្រុមចូលរួម ៣០សមាគម-ក្លឹបមកពីបណ្ដាលរាជធានី-ខេត្ត
– អាចចុះឈ្មោះកីឡាករដែលមានគុណផលខ្ពស់ (លំដាប់ Grade A) បាន២នាក់
– អាចចុះឈ្មោះកីឡាករបរទេស បាន១នាក់
– ក្រុមឈ្នះជើងឯកមានឈ្មោះឡើងទៅលេងពានរង្វាន់«តេជោលីគ»។
ព្រឹត្តិការប្រកួតពានរង្វាន់កីឡាបាល់ទះសម្តេចក្រឡាហោម លើកទី៣ ឆ្នាំ២០២៤ ត្រូវបានកំណត់ កាលបរិច្ឆេទពីថ្ងៃទី១១ ដល់ ថ្ងៃទី២២ ខែធ្នូ ឆ្នាំ២០២៤ ដែលមានរយ:ពេល ១២ថ្ងៃ ដើម្បីរកឃើញជើងឯក ធ្វើនៅទីលានកីឡាបាល់ទះក្នុងវិមាន នៃពហុកីឡដ្ឋានជាតិ។
សម្រាប់ការប្រកួតដែលមានរយ;ពេល ១២ថ្ងៃ ត្រូវបានរៀបចំកាលបរិច្ឆេទប្រកួតដូចខាងក្រោម៖
- វគ្គជម្រុះក្នុងពូល៖ ថ្ងៃទី១១ ដល់ថ្ងៃទី១៧ ខែធ្នូ ឆ្នាំ២០២៤
- វគ្គ ១៦ក្រុម៖ ថ្ងៃទី១៤ ដល់១៩ ខែធ្នូ ឆ្នាំ២០២៤
- វគ្គ ៨ក្រុម៖ ថ្ងៃទី២០ ខែធ្នូ ឆ្នាំ២០២៤
- វគ្គពាកកណ្ដាលផ្ដាច់ព្រ័ត្រ៖ ថ្ងៃទី២១ ខែធ្នូ ឆ្នាំ២០២៤
- វគ្គផ្ដាច់ព្រ័ត្រ៖ ថ្ងៃទី២២ ខែធ្នូ ឆ្នាំ២០២៤
សម្រាប់ពិធីចាប់ពូល នៃការប្រកួតកីឡាបាល់ទះដណ្ដើមពានរង្វាន់សម្ដេចក្រឡាហោម ស ខេង ឆ្នាំ២០២៤ ដើម្បីផ្ដល់ព័ត៌មានពិស្ដារអំពីការប្រកួតកីឡាបាល់ទះខាងលើ ដែលនឹងប្រព្រឹត្តិទៅ ថ្ងៃព្រហស្បតិ៍ ទី២៨ ខែវិច្ចិកា ឆ្នាំ២០២៤ វេលាម៉ោង១៥:០០នាទីតទៅ ផ្សារទំនើប ជីប ម៉ុង ២៧១ មេហ្គាម៉ល។
ជួបគ្នាឆាប់ៗ តើក្រុមណានឹងក្លាយជាពានរង្វាន់សម្ដេចក្រឡាហោម ស ខេង រដូវកាលទី៣ ឆ្នាំ២០២៤នេះ
រំលឹកផងដែរម្ចាស់ជើងឯកកន្លងមក ៖
- រដូរកាលទី១ ឆ្នាំ២០២២ សមាគមកីឡាបាល់ទះវិសាខា B
- រដូលកាលទី២ ឆ្នាំ២០២៣ សមគមកីឡាបាល់ទះក្រសួងមហាផ្ទៃ B
គួរបញ្ជាក់ថា ព្រឹត្តិការប្រកួតពានរង្វាន់កីឡាបាល់ទះសម្តេចក្រឡាហោម ឆ្នាំ២០២៣ ម្ចាស់ជ័យលាភីបានទៅក្រុមក្រសួងមហាផ្ទៃ (ខ) ក្រោយយកឈ្នះលើក្រុមរដ្ឋបាលរាជធានីភ្នំពេញ នៅវគ្គផ្ដាច់ព្រ័ត្រដោយលទ្ធផលដោយលទ្ធផល ៣សិតទល់១សិត (១៦-២៥,២៥-២៣,២៥-២០,២៥-២០) លើទីលានវិមានពហុកីឡដ្ឋានជាតិរាជធានីភ្នំពេញ នារាត្រីថ្ងៃអាទិត្យ ទី១៩ ខែវិច្ឆិកា ឆ្នាំ២០២៣៕
