សហព័ន្ធកីឡាប្រដាល់គុនខ្មែរ បានចេញលិខិតផ្លូវការ ពោលគឺដាក់ពិន័យលើកីឡាករ១៥នាក់ក្នុងប្រការទី១ ដែលប្រកួតហើយ មិនមានពេលសម្រាកចន្លោះពីពីរសប្តាហ៍ បើនៅតែប្រកួតគឺចូលប្រការទី២ ត្រូវពិន័យមិនអោយចាប់គូ ៦ សប្តាហ៍តែម្តង។
សម្រាប់ការដាក់ពិន័យទៅកីឡាករ ដែលប្រកួតសម្រាកមានរយៈពេលតិចជាង២សប្តាហ៍នេះ ត្រូវបានសហព័ន្ធកីឡាប្រដាល់គុនខ្មែរ ចាប់ផ្តើមអនុវត្តជាលើកដំបូង ក្រោយពីកីឡាករ និងគ្រូបង្វឹករនៃក្លិបមួយចំនួន នៅតែបំពានលក្ខន្តិកៈ បទបញ្ជាផ្ទៃក្នុង និងបទបញ្ជាគ្រប់គ្រងការប្រកួត ដែលសហព័ន្ធ បានកំណត់៕
