សិល្បៈអន្តរជាតិ៖ ភាពយន្តខ្នាតធំថៃ ដែលមានចំណងជើងថា «หลานม่า» ឬប្រែសម្រួលជាខេមរភាសា «ចៅយាយ» មិនបានចូលដល់វគ្គ ដណ្ដើមពានរង្វាន់អូស្ការនោះឡ់ើយ ក្រោយកម្មវិធីប្រកាសឈ្មោះភាពយន្តដែលបានដណ្ដើមពានរង្វាន់អូស្ការ មិនមានចំណងជើងរឿងនេះ។
នៅក្នុងកម្មវិធីផ្សាយផ្ទាល់លើយូធូប ដោយវែបសាយ Oscar បានប្រកាសឈ្មោះភាពយន្តអន្តរជាតិចំនួន៥រឿង ដែលត្រូវបានដាក់ចូលដណ្ដើមពានរង្វាន់អូស្ការលើកទី៩៧ នៅក្នុងផ្នែកភាពយន្តអន្តរជាតិឆ្នើម ឬ Best International Feature Film នៅក្នុងចំណោមភាពយន្តឆ្នើមៗទាំង១៥ ចំណងជើង ដែលជាប់នៅក្នុងវគ្គបឋម។ ភាពយន្តថៃ ចៅអាម៉ា ឬ How To Make Millions Before Grandma Dies អាចចាត់ទុកជាភាពយន្តខ្លាំងមួយដែរដែលអាចជាប់ចូលដល់វគ្គទីមួយ នៅក្នុងចំណោមភាពយន្តឆ្នើមៗ ចំនួន៨៥ រឿងមកពីជុំវិញពិភពលោក។
សូមជម្រាបជូនថា ភាពយន្តចំនួន៥ ដែលជាប់ចូល Top5 ដណ្ដើមពានរង្វាន់អូស្ការ ដែលនឹងប្រកាសនៅថ្ងៃទី៣ ខែមីនា ខាងមុខនេះមានរឿង៖
1. I’m Still Here – (ប្រទេសប្រេស៊ីល)
2. The Girl with the Needle – (ប្រទេស ដាណឺម៉ាក)
3. Emilia Pérez – (ប្រទេសបារាំង)
4. The Seed of the Sacred Fig – (ប្រទេសអាល្លឺម៉ង់)
5. Flow – (ប្រទេស ឡេតូនី)
