ឆ្លងកាត់ការប្រកួតជម្រុះ នៃពានរង្វាន់លីគនារីកម្ពុជា (Cambodian Women League 2024-25) បានបិទបញ្ចប់ កាលពីថ្ងៃទី១៨ ខែមករា ឆ្នាំ២០២៥ កន្លងទៅ ក្នុងនោះឃើញ ៤ក្រុមដែលនឹងត្រូវឡើងទៅកាន់ជុំផ្ដាច់ព្រ័ត្រ រួមមានភ្នំពេញក្រោន វិសាខា ណាហ្គាវើលដ៍ និងព្រះខ័នរាជស្វាយរៀង។
ខណៈក្រុមបាល់ទាត់នារីណាហ្គាវើលដ៍ បានកក់កៅអីទៅវគ្គជុំពាក់កណ្តាលផ្តាច់ព្រ័ត្រ ក្រោយយកឈ្នះលើក្រុមព្រះខ័នរាជស្វាយរៀង ដោយលទ្ធផល ៣ទល់នឹង០ នៅថ្ងៃទី២៥ ខែមករា ឆ្នាំ២០២៥ នៅកីឡដ្ឋានខេត្តកំពង់ស្ពឺ ដូចនេះក្រុមនារីណាហ្គាវើលដ៍ នឹងត្រៀមប៉ះក្រុមនារីវិសខា នៅវគ្គពាក់កណ្តាលផ្តាច់ព្រ័ត្រ។
លទ្ធផលការប្រកួតជុំផ្តាច់ព្រ័ត្រ (ថ្ងៃទី២៥ ខែមករា ឆ្នាំ២០២៥)
តាមរយ:រូបបមន្តប្រកួតគ្នាវិលជុំចំនួន ២ជើងហើយក្រុមដែលមានពិន្ទុច្រើនជាងគេមានឈ្មោះបន្តប្រកួតវគ្គពាក់កណ្តាលផ្ដាច់ព្រ័ត្រ ដោយក្រុមលេខ៣ ប៉ះក្រុមលេខ៤ រកអ្នកឈ្នះឡើងទៅប៉ះក្រុមលេខ២ ខណៈក្រុមលេខ១ មានឈ្មោះចាំប្រកួតនៅវគ្គផ្ដាច់ព្រ័ត្រ។
គួរបញ្ជាក់ថា ការប្រកួតពានរង្វាន់លីគនារីកម្ពុជា (Cambodian Women League 2024-25) បានចាប់ផ្ដើមកាលពីថ្ងៃទី១៧ ខែសីហា ឆ្នាំ២០២៤ ដែលគ្រោងនឹងបញ្ជប់នៅថ្ងៃទី៨ ខែកុម្ភៈ ឆ្នាំ២០២៥ ដោយការប្រកួតត្រូវធ្វើ Home/Away លើទឹកដីរបស់ក្រុមទាំង១០ម្តងម្នាក់ និងយកក្រុមដែលមានចំណាត់ថ្នាក់លេខ១ដល់លេខ៤ ដើម្បីប្រជែងជើងឯក៕
