ក្នុងប្រតិបត្តិការកាលពីយប់ថ្ងៃទី២៩ ខែមករា ឆ្នាំ២០២៥ នគរបាលស្រុកសាមគ្គីមុនីមានជ័យ បានចេញបង្ក្រាបជនសង្ស័យដែលធ្វើសកម្មភាពស្ទាក់ ធាក់ វាយ ប្លន់យកម៉ូតូនៅតាមបណ្ដោយផ្លូវជាតិ ផ្លូវលំ ក្នុងភូមិសាស្រ្ដស្រុក នៅចំណុចស្ថិតនៅភូមិស្តុកស្លាត ឃុំភ្នំតូច ស្រុកសាមគ្គីមុនីជ័យ បានចំនួន១០នាក់។
ដឹកនាំដឹកនាំដោយលោកវរសេនីយ៍ឯក ខឹម សាម៉ុន អធិការនគរបាលស្រុកសាមគ្គីមុនីជ័យ អនុវត្តតាមគោលការណ៍ណែនាំដ៏ខ្ពង់ខ្ពស់ លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ ជម្រុញលេីវិធានការ បង្ការ បង្រ្កាប ក្រុមក្មេងទំនេីង ពិសេសមុខសញ្ញាប្រព្រឹត្តបទល្មើសគ្រប់ប្រភេទក្នុងមូលដ្ឋាន សមត្ថកិច្ចបានចាប់ជនសង្ស័យបានចំនួន១០ នាក់ យោងតាមការផ្ដល់ព័ត៌មានពីជនរងគ្រោះ២នាក់ មានឈ្មោះ ក្រិត ធីម ភេទប្រុស អាយុ១៩ឆ្នាំ ឈ្មោះ ក្រិត ធី ភេទប្រុស អាយុ១៨ឆ្នាំ។
ដោយឡែកជនសង្ស័យទាំង១០នាក់ ដែលសមត្ថកិច្ចចាប់ខ្លួនបានមាន៖ ១.ឈ្មោះ ណ ថ ភេទប្រុស អាយុ២៥ឆ្នាំ ភូមិព្រៃពាយ ឃុំអង្គតាសោម ស្រុកត្រាំកក់ ខេត្តតាកែវ ២.ឈ្មោះ រ ស គ ភេទប្រុស អាយុ១៧ឆ្នាំ ភូមិច្រក ឃុំបន្ទាយមាស ស្រុកបន្ទាយមាស ខេត្តកំពត ៣.ឈ្មោះ ប ស ខ ភេទប្រុស អាយុ២១ឆ្នាំ ភូមិច្រក ឃុំបន្ទាយមាស ស្រុកបន្ទាយមាស ខេត្តកំពត ៤.ឈ្មោះ ស រ ឌ ភេទប្រុស អាយុ១៩ឆ្នាំ ភូមិតាជ័យ ឃុំកំពុងចម្លង ស្រុកស្វាយជ្រុំ ខេត្តស្វាយរៀង (អ្នកទាំង៤នាក់ខាងលេីជនដៃដល់) ៥.ឈ្មោះ ថ វ ភេទប្រុស អាយុ២៦ឆ្នាំ ភូមិអណ្តូងរវៀង ឃុំអញ្ចាយរូង ស្រុកបរិបូរណ៍ ខេត្តកំពង់ឆ្នាំង៦.ឈ្មោះ ដ អ ភេទប្រុស អាយុ១៩ឆ្នាំ ភូមិស្នេហ៍មាន់ ឃុំកោះកន្លរ ស្រុកកោះកន្លរ ខេត្តបាត់ដំបង ៧.ឈ្មោះ រ ច រ ភេទប្រុស អាយុ២១ឆ្នាំ ភូមិស្លា ឃុំក្រាំងត្រយ៉ង ស្រុកពាមជរ ខេត្តព្រៃវែង ៨.ឈ្មោះ រ ខ ភេទប្រុស អាយុ១៧ឆ្នាំ ភូមិច្រក ឃុំបន្ទាយមាស ស្រុកបន្ទាយមាស ខេត្តកំពត ៩.ឈ្មោះ ដ អ ភេទប្រុស អាយុ១៧ឆ្នាំ ភូមិស្នេហ៍មាន់ ឃុំបន្ទាយមាស ស្រុកបន្ទាយមាស ខេត្តកំពត ១០.ឈ្មោះ ម ច ថ ភេទប្រុស អាយុ២៥ឆ្នាំ ភូមិថ្មី ឃុំត្នោតជុំ ស្រុកក្រគរ ខេត្តពោធិ៍សាត់ (ដែលជាបក្សពួក) ជាកម្មករសំណង់ស្នាក់នៅក្នុងបុរីTLL។
ក្នុងប្រតិបត្តិនោះដែរ សមត្ថកិច្ចឃាត់ខ្លួននិងបានដកហូតម៉ូតូចំនួន០៦គ្រឿង រួមទាំងម៉ូតូជនរងគ្រោះ០១គ្រឿង និងទូរស័ព្ទដៃចំនួន០៤គ្រឿង: ១.ម៉ូតូហុងដាC125 ពណ៌ខ្មៅ ពាក់ផ្លាកលេខ កំពង់ស្ពឺ 1W-5580 (ម៉ូតូជនរងគ្រោះ)។ តាមចម្លេីយសារភាពរបស់ក្រុមបក្ខពួកខាងលេីបានឆ្លេីយថា ពួកគេបានយកម៉ូតូរបស់ជនរងគ្រោះទៅផ្លុងចោលនៅចំណុចខាងលេី ដោយធ្វេីសកម្មភាពវាយកម្ទេចផ្លាកលេខនិងសម្ភារះម៉ូតូ។
តាមការពិនិត្យនៅក្នុងបន្ទប់ផ្ទះបុរីឃេីញមាន: កាបាំងម៉ូតូ កញ្ចក់ម៉ូតូ កាងម៉ូតូ កូនសោរ ញញួរ ដំបងឈេីនិងសម្ភារៈសម្រាប់ធ្វេីសកម្មភាពមួយចំនួនទៀត។ បច្ចុប្បន្នក្រុមជនសង្ស័យរួមជាមួយវត្ថុតាងខាងលេីត្រូវបានសមត្ថកិច្ចជំនាញធ្វេីការឃាត់ខ្លួនសាកសួរនិងកសាងសំណុំរឿង បញ្ជូនទៅកាន់ ការិយាល័យជំនាញ នៃស្នងការដ្ឋាននគរបាលខេត្តកំពង់ស្ពឺ ចំណាត់ការនីតិវិធីបន្ដ៕
