ការប្រកួតហ្វ្រេនហ្ស៊ី ហ្រ្វីស្តាយល៍បានឈានដល់វគ្គ ៨ក្រុមចុងក្រោយផ្តាច់ព្រ័ត្រហើយ ក្នុងនោះមានបេក្ខភាព៨រូប ឡើងទៅកាន់វគ្គ៨ក្រុមចុងក្រោយ ។
កម្មវិធីដ៏អស្ចារ្យនេះបានឆក់យកបេះដូងទស្សនិកជន និងអ្នកចូលរួមដែលមិនធ្លាប់ស្គាល់ថាបាល់ហ្វ្រីស្តាយល៍ជាអ្វី ដោយបានបង្ហាញ និងលេចឃើញនូវសមត្ថភាព និងសិល្បៈនៃការលេងបាល់របស់បេក្ខជន បេក្ខជនារី ក្នុងការបង្កើតក្បាច់ថ្មីប្លែកៗ។ នៅពេលដែលប្រកួតគឺទាមទារឱ្យបេក្ខជន បេក្ខនារីទាំងអស់ព្យាយាមឱ្យអស់ពីកម្លាំងកាយចិត្ត ដើម្បីទទួលបានពិន្ទុពីគណៈកម្មការណ៍វាយតម្លៃ ក្នុងការឈានទៅកាន់វគ្គបន្ត។
ចង់ដឹងថាវគ្គ ១/៤ ផ្តាច់ព្រ័ត្រ ឬវគ្គ៨នាក់ នឹងមានទស្សនីយភាព ក្បាច់ពិសេសអ្វីដែលខ្លះដែលត្រូវបង្ហាញ ដើម្បីឱ្យបងប្អូនហូរសប្បាយ កុំភ្លេចតាមដាន និងចូលរួមទស្សនាគាំទ្រដោយសេរីទាំងអស់ នៅស្ទូឌីយោបាយ័នបឹងស្នោរ នាថ្ងៃទី០២ ខែកុម្ភៈ ឆ្នាំ២០២៥ ចាប់ពីម៉ោង ០៣:០០ នាទីរសៀលតទៅ ដោយរួមមាន ៖
- បេក្ខនារី ឌី គឹមយាន នឹងត្រូវប្រកួតជាមួយបេក្ខជន លន់ ឆៃយ៉ា
- បេក្ខជន ចាន់ណាក់ វរៈបុត្រ នឹងត្រូវប្រកួតជាមួយគ្នាបេក្ខជន នួន វណ្ណា
- បេក្ខជន ស៊ុំ សាន នឹងត្រូវប្រកួតជាមួយ បេក្ខជន ខុន ខេមរៈបុត្ត
- បេក្ខជន ផ្លម ធិញហួយ នឹងត្រូវប្រកួតជាមួយបេក្ខនារី យ៉ែម នារតី ។
