ត្បូងឃ្មុំ៖ ស្ត្រីដៃរហ័ស ដែលបានធ្វើសកម្មភាពលួចឆ្មក់កាត់ខ្សែក ជនរងគ្រោះ នៅស្រុកមេមត់ ខេត្តត្បូងឃ្មុំ គេចមិនផុត បានជាប់អន្ទាក់សមត្ថកិច្ច។
ករណីលួចឆ្មក់កាត់ខ្សែក ដែលបង្កឡើងដោយជនសង្ស័យឈ្មោះ អឿន សូម៉ុន ភេទស្រីវ័យ៣៦ឆ្នាំ រស់នៅនៅភូមិប៉ប្រកខាងជើង សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ទៅលើជនរងគ្រោះ ឈ្មោះ ឡុង សេរីស័ក្ត ភេទប្រុស អាយុ៤៧ឆ្នាំ ជាតិខ្មែរ នៅភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្ដាល នៅចំណុចភូមិ សាទុំ ឃុំជាំងក្រវៀង ស្រុកមេមត់ ខេត្តត្បូងឃ្មុំ មិនអាចគេចផុតពីភ្នែកនិងច្រមុះសមត្ថកិច្ចនោះឡើយ។
ស្ត្រីដៃស្អិត ឬជនសង្ស័យខាងលើនេះ ត្រូវបានកម្លាំងការិយាល័យនគរបាលព្រហ្មទណ្ឌ បញ្ជូនខ្លួនមកកាន់ស្នងការដ្ឋាននគរបាលខេត្តត្បូងឃ្មុំ ដើម្បីកសាងសំណុំរឿងតាមនីតិវិធី និងបញ្ជូនទៅសាលាដំបូងខេត្តចាត់វិធានការបន្ត
