កាលពីថ្ងៃទី៣ ខែកុម្ភៈ ឆ្នាំ២០២៥ កន្លងទៅថ្មីៗនេះ ពន្ធនាគារខេត្តស្វាយរៀង បានរៀបចំកិច្ចប្រជុំពិនិត្យវាយតម្លៃកម្រិតកែប្រែរបស់ទណ្ឌិត ដើម្បីស្នើសុំបន្ធូរបន្ថយទោសនិងលើកលែងទោសឱកាសពិធីបុណ្យចូលឆ្នាំថ្មីប្រពៃណីជាតិ និងពិធីបុណ្យវិសាខបូជា។
កិច្ចប្រជុំនេះបានរៀបចំឡើងនៅសាលប្រជុំពន្ធនាគារខេត្តស្វាយរៀង ក្រោមអធិបតីភាព លោក ឈីវ អុិចគង់ ព្រះរាជអាជ្ញារង នៃអយ្យការអមសាលាដំបូងខេត្តស្វាយរៀង ដោយមាន លោក វរអគ្គានុរក្ស.១ ថោង សុវណ្ណរ៉ា តំណាងប្រធានពន្ធនាគារខេត្តស្វាយរៀង ដឹកនាំមន្ត្រីជំនាញ ប្រជុំពិភាក្សាផ្លាស់ប្ដូរយោបល់គ្នាដើម្បីពិនិត្យនិងវាយតម្លៃកម្រិតកែប្រែរបស់ទណ្ឌិតសរុបចំនួន ៤៥នាក់ (ក្នុងនោះមានស្ត្រី៤នាក់) ដើម្បីដាក់ស្នើសុំបន្ធូរបន្ថយទោស និងលើកលែងទោស ក្នុងឱកាសពិធីបុណ្យចូលឆ្នាំថ្មីប្រពៃណីជាតិ និងពិធីបុណ្យវិសាខបូជា ឆ្នាំ២០២៥ ខាងមុខនេះ។ ជាលទ្ធផលអង្គប្រជុំសម្រេចដាក់សំណើស្នើសុំដល់ទណ្ឌិត សរុបចំនួន ៣៥នាក់ ស្រ្តី០២។
