យោងតាមប្រភពព័ត៌មានក្នុងស្រុកបានឱ្យដឹងថា យន្តហោះឯកជនមួយគ្រឿងបានធ្លាក់នៅក្នុងខេត្តភាគខាងត្បូងប្រទេសហ្វីលីពីន កាលពីរសៀលថ្ងៃព្រហស្បតិ៍ សប្ដាហ៍ បណ្ដាលឱ្យមនុស្ស ៤នាក់ ក្នុងនោះមានជនបរទេស ៣នាក់ផងដែរ។ នេះបើយោងតាមការចេញផ្សាយដោយសារព័ត៌មាន Xinhua នាថ្ងៃទី៦ ខែកុម្ភៈ ឆ្នាំ២០២៥។
ទីភ្នាក់ងារសារព័ត៌មានហ្វីលីពីន បាននិយាយថា យន្តហោះនេះ គឺជាយន្តហោះ Beech King Air 350 ហើយយើងរកឃើញសាកសពមនុស្សចំនួន ៤នាក់។ ជាមួយគ្នា ប៉ូលិសក្នុងតំបន់ កំពុងតែពិនិត្យលើករណីគ្រោះថ្នាក់នេះ ដើម្បីកំណត់អត្តសញ្ញាណជនរងគ្រោះទាំងអស់នោះ។
ប៉ូលីសបានឱ្យដឹងថា ឧបទ្ទវហេតុនេះបានកើតឡើងនៅទីក្រុង Ampatuan ភាគខាងត្បូងប្រទេសហ្វីលីពីន កាលពីវេលាម៉ោង២រសៀល ថ្ងៃទី៦ ខែកុម្ភៈ (ម៉ោងក្នុងស្រុក) ។
ទាក់ទិននឹងបញ្ហានេះ អាជ្ញាធរអាកាសចរណ៍ស៊ីវិលហ្វីលីពីន បានបញ្ជាក់ពីការធ្លាក់យន្តហោះនេះ ប៉ុន្តែមិនទាន់ផ្តល់ព័ត៌មានលម្អិតពីមូលហេតុនៃការធ្លាក់នេះនៅឡើយទេ៕
