ការប្រកួតពានរង្វាន់សម្តេចតេជោ ហ៊ុន សែន ជើងឯកថ្នាក់ជាតិ ឆ្នាំ២០២៤-២៥ កំពុងដំណើរការប្រកួតវគ្គ១៦ក្រុមចុងក្រោយ ស្របពេលដែលក្រុមចំនួន៤បានកក់កៅអីឡើងទៅវគ្គ៨ក្រុមមុខគេ ក្នុងនោះរួមមាន៖ វិសាខា, បឹងកេត, ភ្នំពេញក្រោន, Tiffy Army ។
ចំណែកឯកីឡាករដែលមានវ័យចំណាស់់ជាងគេចំនួន៩នាក់ជាប់ឈ្មោះសម្រាប់ការប្រកួតពានរង្វាន់សម្តេចតេជោ រដូវកាលឆ្នាំ២០២៤-២៥ នេះ គឺជាកីឡាករដែលកំពុងប្រកបអាជីពអាជីបនៅក្លិបចំនួន៤ និងក្រុមតំណាងខេត្តចំនួន៤។
ខាងក្រោមនេះជាបញ្ជីឈ្មោះកីឡាករ៨នាក់ ដែលមានវ័យចំណាស់ជាងគេ៖
- ទី១) កីឡាករ កាំង សេន របស់ក្រុមអាយអេសអាយ ដង្កោសែនជ័យ មានវ័យ៤១ឆ្នាំ
- ទី២) កីឡាករ ចាន់ សាឌីន របស់ក្រុមខេត្តកំពង់ចាម មានវ័យ៣៨ឆ្នាំ
- ទី៣) កីឡាករ គួច សុកុម្ភៈ របស់ណាហ្គាវើលដ៍ មានវ័យ៣៨ឆ្នាំ
- ទី៤) កីឡាករ រម៉ីល ចាន់រ៉ា របស់ខេត្តត្បូងឃ្មុំ មានវ័យ៣៦ឆ្នាំ
- ទី៥) កីឡាករ សើ សាអ៉ីត របស់ខេត្តកែប មានវ័យ៣៥ឆ្នាំ
- ទី៦) កីឡាករ ឡេង មករា របស់ណាហ្គាវើលដ៍ មានវ័យ៣៥ឆ្នាំ
- ទី៧) កីឡាករ គួច ដានី របស់ណាហ្គាវើលដ៍ មានវ័យ៣៥ឆ្នាំ
រំលឹកថា សម្រាប់ពានរង្វាន់សម្តេចតេជោ ហ៊ុន សែន (18th Hun Sen Cup) ជើងឯកថ្នាក់ខេត្ត ឆ្នាំ២០២៤-២៥នេះ បានទៅលើក្រុមមន្ទីរ អយក ខេត្តត្បូងឃ្មុំ។ ខណ:ជើងឯកថ្នាក់ជាតិ ឆ្នាំ២០២៣/២៤ កន្លងទៅ បានទៅលើក្លិបាបល់ទាត់ព្រះខ័នរាជស្វាយរៀង។
គួរបញ្ជាក់ថា សម្រាប់ពានរង្វាន់សម្តេចតេជោ ហ៊ុន សែន ឆ្នាំ២០២៤/២៥ នេះបន្តបែងចែកជា២កម្រិត ដូចឆ្នាំកន្លងទៅដែរ ដោយក្នុងនោះ ទី១) វគ្គប្រកួតជើងឯកថ្នាក់ខេត្ត និងទី២) វគ្គប្រកួតជើងឯកថ្នាក់ជាតិ។ ក្រោយរកឃើញក្រុមជើងជើងឯក និងកូតា ចេញពីការប្រកួតជើងឯកថ្នាក់ខេត្ត៕
