បឹងកេត យកឈ្នះ ISI ដង្កោសែនជ័យ ក្នុងលទ្ធផល ៨-១ នៃពានរង្វាន់លីគកំពូលកម្ពុជា (Cambodian Premier League) រដូវកាលឆ្នាំ២០២៤-២៥ នាល្ងាចថ្ងៃទី៨ កុម្ភ: ក្នុងពហុកីឡដ្ឋានជាតិ ដណ្ដើបាន ៣ពិន្ទុ ក្ដោបបានឱកាសតំណែក Top6 បើទោះជានៅសល់ ១ប្រកួតទៀត។
បឹងកេត ឆ្លងកាត់ ១៩ប្រកួត មាន ៣០ពិន្ទុ ខណ:នៅសល់ ១ប្រកួតបន្ទាប់ នៅថ្ងៃទី១៥ កុម្ភ: ត្រូវជួបវិសាខា នៅពហុកីឡដ្ឋានជាតិ។ ដោយឡែក អាយអេសអាយ ដង្កោសែនជ័យ ឆ្លងាកាត់ ១៩ប្រកួត មាន ២៤ពិន្ទុ ១ប្រកួតបន្ទាប់ នៅថ្ងៃទី១៦ កុម្ភ: ត្រូវជួប ភ្នំពេញក្រោន ក្នុងកីឡដ្ឋាន AIA KMH Park។
តារាងចំណាត់ថ្នាក់ បច្ចុប្បន្ន ក្រោយប្រកួតចប់ថ្ងៃទី៨ កុម្ភ: ២០២៥៖
កម្មវិធីប្រកួត សម្រាប់ សប្ដាហ៍ទី២១ ថ្ងៃទី៨-៩-១០ កុម្ភ: ឆ្នាំ២០២៥៖
ដោយឡែក ៥ក្រុមបានកក់កៅអី Top6 មុនគេបន្ទាប់មានពិន្ទុដាត់មាន ភ្នំពេញក្រោន, ព្រះខ័នរាជស្វាយរៀង, វិសាខា, អង្គរថាហ្គឺរ និងណាហ្គាវើលដ៍ ងាកមកបឹងកេត និងអាយអេសអាយ ដង្កោសែនជ័យ នឹងត្រូវប្រជែងគ្នាដើម្បីដណ្ដើមកៅអី Top6 មួយចុងក្រោយ។
យ៉ាងណាមិញសម្រាប់ក្រុមទាំង៤ ដែលអស់ឱកាសប្រជែងពានរង្វាន់លីគកំពូលកម្ពុជា (Cambodian Premier League ) រដូវកាលឆ្នាំ២០២៤-២៥ បើទោះជានៅសល់ប្រកួតក្នុងដៃទៀតក៏ដោយ មាន៖ កងយោធពលខេមរភូមិន្ទ ឡាយហ្វ ខេត្តព្រះសីហនុ សមាគមកីឡាបាល់ទាត់ក្រសួងមហាផ្ទៃ និងគិរីវង់សុខសែនជ័យ៕
