ក្រុមបាល់ទាត់ជម្រើសជាតិ ប៉ាគីស្ថាន បានប្រកាសដកខ្លួនចេញពីការប្រកួតតជម្រុះក្នុងពូលពានរង្វាន់ទ្វីបអាស៊ី
AFC Asian Cup ឆ្នាំ២០២៧ បន្ទាប់ពីសហព័ន្ធកីឡាបាល់ទាត់អន្តរជាតិ (FIFA) ផ្អាកដំណើរការសម្រាប់ការប្រកួតពានរង្វាន់នានា ក្រោយរកឃើញកំហុសស្តីពីច្បាប់កែប្រែរដ្ឋធម្មនុញ្ញរបស់ប៉ាគឺស្ថាន កាលពីថ្ងៃទី៧ ខែកុម្ភៈ ឆ្នាំ២០២៥ កន្លងទៅ។
ដោយលែកកាលពីរាត្រីថ្ងៃទី១០ ខែកុម្ភៈ ឆ្នាំ២០២៥ FootbalPakistaan ដែលជា Page ផ្លូវការរបស់សហព័ន្ធកីឡាបាល់ទាត់ប៉ាគីស្ថានបាន ចេញផ្សាយថា ខ្លួនបានសម្រេចដកខ្លួនចេញពីការប្រកួតជម្រុះក្នុងពូលនៃពានរង្វាន់កម្រិតទ្វីប 2027 AFC Asian Cup ជាផ្លូវការហើយ។
ក្នុងករណីនេះ ក្រុមបាល់ទាត់ជម្រើសជាតិកម្ពុជា អាចនឹងទទួលបានឱកាសក្នុងការប្រកួតវគ្គជម្រុះ ពានរង្វាន់ AFC Asian Cup ឆ្នាំ២០២៧ ដែលប្រទេសអារ៉ាប់ប៊ីអាអូឌីត ធ្វើជាម្ចាស់ផ្ទះសម្រាប់ជុំចុងក្រោយ។
សូមរំលឹកថា សម្រាប់ការប្រកួតវគ្គជម្រុះ AFC Asian Cup ឆ្នាំ២០២៧ កាលពីនៅជើងទី១ កម្ពុជា បានត្រឹមស្មើជាមួយក្រុម ប៉ាគីស្ថាន ០-០ កាលពីថ្ងៃទី១២ ខែតុលា ឆ្នាំ២០២៣ នៅពហុកីឡដ្ឋានជាតិ រាជធានៅភ្នំពេញ ក្រោយមកនៅជើងទី២ ក្រុមគោព្រៃកម្ពុជា បានចាញ់ប៉ាគីស្ថាន វិញដោយលទ្ធផល ១-០ នៅប្រទេសប៉ាគីស្ថាន កាលពីថ្ងៃទី១៧ ខែតុលា ឆ្នាំ២០២៣ កន្លងទៅ៕
