ក្រុមបាល់ទាត់ Shan United គ្រងជើងឯកពានរង្វាន់លីគកំពូលរបស់មីយ៉ាន់ម៉ា Myanmar National League រដូវកាលឆ្នាំ២០២៤-២៥ កាលពីថ្ងៃទី១១ ខែកុម្ភៈ ឆ្នាំ២០២៥ កន្លងទៅ ក្រោយរកបានពិន្ទុច្រើនជាងគេ ពោលគឺ៥៣ពិន្ទុ ឈរកំពូលតារាង លីគបាល់ទាត់មីយ៉ាន់ម៉ា និងជាក្រុមដែលទាន់ស្គាល់ពាក្យថាចាញ់សោះ មុនធ្វើដំណើរមកទឹកដីកម្ពុជា ម្តងទៀតប្រកួតទល់នឹងក្រុមតំណាងកម្ពុជាព្រះខ័នរាជស្វាយរៀង ។
តារាងចំណាត់ថ្នាក់លីគកំពូលមីយ៉ាន់ម៉ា Myanmar National League រដូវកាលឆ្នាំ២០២៤-២៥ ៖
សូមជម្រាបថា ក្រុមព្រះខ័នរាជស្វាយរៀង តំណាងកម្ពុជា នឹងត្រៀមប៉ះក្រុម Shan United របស់មីយ៉ាន់ម៉ា ម្តងទៀតនៃពានរង្វាន់កម្រិតទ្វីប AFC Challenge League 2024-25 វគ្គ៨ក្រុមចុងក្រោយ បន្ទាប់ពីឆ្លងកាត់វគ្គជម្រុះក្នុងពូល E មាន ៣ពិន្ទុក្នុងដៃ ខណៈកាលពីរាត្រីថ្ងៃទី៥ ខែកុម្ភៈ ឆ្នាំ២០២៥ ថ្មីៗនេះ ក្រុមព្រះខ័នរាជស្វាយរៀង របស់កម្ពុជា ទើបយកឈ្នះលើក្រុម Shan United របស់មីយ៉ាន់ម៉ា ដោយលទ្ធផល ៤ទល់នឹង២ នៃពានរង្វាន់ ASEAN Club Championship Shopee Cup 2024/25 វគ្គជម្រុះក្នុងពូល A ។
កម្មវិធីប្រកួតវគ្គ៨ក្រុមចុងក្រោយ៖
- ជើងទី១ ព្រះខ័នរាជស្វាយរៀង ប៉ះ Shan United របស់មីយ៉ាន់ម៉ា ថ្ងៃទី៦ ខែមីនា ឆ្នាំ២០២៥
- ជើងទី២ ព្រះខ័នរាជស្វាយរៀង ប៉ះ Shan United របស់មីយ៉ាន់ម៉ា ថ្ងៃទី១៣ ខែមីនា ឆ្នាំ២០២៥
វគ្គ៨ក្រុមចុងក្រោយតំបន់ខាងកើត៖
- Tainan City របស់ចិនតៃប៉ិ ប៉ះ Madura United របស់ឥណ្ឌូណេស៊ី
វគ្គ៨ក្រុមចុងក្រោយតំបន់ខាងលិច៖
- East Bengal របស់ឥណ្ឌា ប៉ះ Arkadag របស់តូមិននីស្ថាន
- Al-Seeb របស់អូម៉ង់ ប៉ះ Al-Arabi របស់គុយវ៉ែត។
សម្រាប់ការប្រកួតរបស់ក្រុមទាំង៤ នៅជើងទី១ និងធ្វើឡើងនៅថ្ងៃទី៥ និងទី៦ ខែមីនា ឆ្នាំ២០២៥ ខណ:ជើងទី២ និងធ្វើឡើងឡើងនៅថ្ងៃទី១២ និង១៣ ខែមីនា ឆ្នាំ២០២
ពានរង្វាន់ 2024–25 AFC Challenge League ត្រូវបានសហព័ន្ធកីឡាអាស៊ី បែងចែកជា២ តំបន់ ដោយក្នុងនោះមានអាស៊ីភាគខាងកើត និងអាស៊ីភាគខាងលិច ប្រកួតតាមតំបន់រៀងៗខ្លួន ចប់វគ្គចែកពូលទើបរកឃើញក្រុមទៅប្រកួតរួមគ្នានៅវគ្គ៨ក្រុមចុងក្រោយ និងបន្តប្រកួតរហូតដល់វគ្គផ្ដាច់ព្រ័ត្រ។
ចំពោះប្រាក់រង្វាន់វិញមានដូចជា៖-ក្រុមឡើងដល់វគ្គ៨ក្រុមចុងក្រោយទទួលបានប្រាក់៨ម៉ឺនដុល្លារ
-ក្រុមឡើងដល់វគ្គពាក់កណ្តាលផ្ដាច់ព្រ័ត្របានចំនួន១២ម៉ឺនដុល្លារ
-ក្រុមជើងឯករង៥០ម៉ឺនដុល្លារ
-ក្រុមជើងឯក១លានដុល្លារ
សូមបញ្ជាក់ថាបច្ចុប្បន្ននេះសហព័ន្ធកីឡាបាល់ទាត់អាស៊ី បានបែងចែកការប្រកួតសម្រាប់ក្លិបជាសមាជិកចំនួន៣កម្រិតដោយក្នុងនោះពានរង្វាន់កម្រិតទី១ ឈ្មោះថា AFC Champions League Elite មានប្រាក់រង្វាន់ ១០លានដុល្លារអាមេរិក សម្រាប់ក្រុមជើងឯក ហើយពានរង្វាន់កម្រិតទី២ AFC Champions League Two មានប្រាក់រង្វាន់២លានដុល្លារកន្លះ និងពានរង្វាន់កម្រិតទី៣ AFC Challenge League មានប្រាក់រង្វាន់១លានដុល្លារអាមេរិក៕
