នៅថ្ងៃទី២០ ខែកុម្ភៈ ឆ្នាំ២០២៥ នេះ នគរបាលក្រុងតាខ្មៅ បានចុះអនុវត្តច្បាប់ដោយលែងមានការយោគយល់ ឬអនុគ្រោះចំពោះបងប្អូនប្រជាពលរដ្ឋដែលធ្វើដំណើរបញ្ច្រាសផ្លូវពីចំណុចខាងលិច សាលាខេត្តកណ្ដាល ពីត្បូងមកជើងទៀតហើយ។
ចំណុចខាងលិច សាលាខេត្តកណ្ដាល ពីត្បូងមកជើង គឺជាផ្លូវបញ្ច្រាស ហើយមិនត្រូវបានអនុញ្ញាតិឱ្យប្រជាពលរដ្ឋធ្វើដំណើរនោះឡើយ ប៉ុន្តែជារឿយៗ ដែលបងប្អូនប្រជាពលរដ្ឋមួយចំនួននៅតែបន្តបំពានមិនគោរពច្បាប់ចរាចរណ៍ ហើយធ្វើដំណើរលើផ្លូវបញ្ច្រាសជាញឹកញាប់ដែលអាចបង្កជាគ្រោះថ្នាក់ ក៏ដូចជាហានិភ័យចំពោះអ្នកដំណើរខ្លួនឯង និងអ្នកដំណើររួមលើដងផ្លូវផងដែរ។
អធិការដ្ឋានគរបាលក្រុងតាខ្មៅ បានចេញសេចក្ដីជូនដំណឹងថា ចាប់ពីថ្ងៃនេះតទៅ គឺលែងមានការអនុគ្រោះ យោគយល់ដូចមុនៗទៀតហើយ បើខុស គឺអនុតវត្តច្បាប់តែម្ដង ដូច្នេះសូមបងប្អូនដែលធ្វើដំណើរគោរពច្បាប់ចរាចរណ៍ទាំងអស់គ្នា ដើម្បីសុខសុវត្ថិភាពសម្រាប់ខ្លួនឯង គ្រួសារ និងជីវិតអ្នកដទៃ៕
អត្ថបទ កណ្ដាល
