បាត់ដំបង៖ កងកម្លាំងអាវុធហត្ថ បានចាប់ឃាត់ខ្លួនកម្មករ២នាក់ ដែលមានដើមកំណើតជាអ្នកស្រុកកំរៀង នៅក្នុងករណីជួញដូរ តាមបទបញ្ជាលោកឧត្តមសេនីយ៍ ហែម វុទ្ធី មេបញ្ជាការកងរាជអាវុធហត្ថខេត្តបាត់ដំបង កម្លាំងកងរាជអាវុធហត្ថ។
នៅក្នុងការបង្ក្រាបករណីជួយដូរដោយខុសច្បាប់នូវសារធាតុញៀននៅចំណុចចំការ ភូមិព្រះពុទ្ធ ឃុំបឹងរាំង ស្រុកកំរៀង ខេត្តបាត់ដំបង កាលពីថ្ងៃទី២២ ខែកុម្ភៈ ឆ្នាំ២០២៥ កម្លាំងមូលដ្ឋាន អ.ហ ស្រុកកំរៀងបានធ្វើការឃាត់ខ្លួនជនសង្ស័យចំនួន ០១នាក់: ១. ឈ្មោះ សារឺម សុធុន ភេទប្រុសអាយុ ២៩ឆ្នាំ មុខរបរ កម្មករមានទីលំនៅភូមិស្វាយសឃុំកំរៀងស្រុកកំរៀងខេត្តបាត់ដំបង ។ ដោយជនសង្ស័យបានឆ្លើយសារភាពថាខ្លួនបានទិញគ្រឿងញៀនពីមនុស្សស្រីម្នាក់មាឌធំសក់ក្រហមអាយុប្រហែល៣៥ឆ្នាំ។
ក្រោយចាប់ឃាត់ខ្លួនសមត្ថកិច្ចដកហូតបានវត្ថុតាងរួមមាន : ១.ម្ស៉ៅក្រាមពណ៌សថ្លា (ice) ចំនួន ០១ កញ្ចប់ ទម្ងន់ ២.៥៤ក្រាម (ថ្លឹងទាំងសំបក) ២.ទូរស័ព្ទដៃ ចំនួន០២ គ្រឿង ។ ៣.ម៉ូតូហុងដាC125ពណ៏ខ្មៅសេរីឆ្នាំ២០១៥ចំនួន០១គ្រឿង ។
លុះដល់ថ្ងៃទី២៣ខែកុម្ភៈឆ្នាំ២០២៥ វេលាម៉ោង១០.០០នាទី កម្លាំងជំនាញអាវុធហត្ថស្រុកកំរៀងបានបន្តចាប់ខ្លួនជនសង្ស័យម្នាក់ទៀងឈ្មោះ ឡុង ចាន់រ៉ា ភេទស្រី អាយុ៣៥ឆ្នាំ មុខរបរកម្មករ មានទីលំនៅភូមិដូងឃុំ បឹងរាំងស្រុកកំរៀង ខេត្តបាត់ដំបង ក្នុងនោះដកហូតបានវត្ថុតាងដកដូចជា៖ ១-ម្សៅក្រាមពណ៏សថ្លា (ice) ៣១កញ្ចាប់ ទម្ងាន់១៣០ក្រាម (ទាំងថង់) ២-ថ្នាំគ្រាប់ពណ៏ស្លាទុំអក្សរ (WY) ចំនួន ១៦១គ្រាប់ ទម្ងន់១៤.៩៨ក្រាម (ទាំងថង់) ៣-ទូរសព្ទ័ចំនួន០១គ្រឿង ៤-ថង់សំរាប់វេចខ្ចប់គ្រឿងញៀនមួយចំនួន ៥-ប្រាក់ខ្មែរចំនួន២០មុឺនរៀល ៦-ប្រាក់បាតចំនួន ៧៧០បាត បច្ចុប្បន្ន ជនសង្ស័យទាំងពីរ និងវត្ថុតាងទាំងអស់ កំពុងបញ្ជូនមកការិយាល័យជំនាញ ដើម្បីចាត់ការតាមនិតិវិធី។
អត្ថបទ៖ ចតុមុខ
