ជួបគ្នាឆាប់ៗនេះ! ព្រឹត្តិការណ៍ប្រកួតកីឡាបាល់ទះ 4×4 ទូទាំងប្រទេស Wurkz Special Volleyball Cup រដូវកាលទី២ ឆ្នាំ២០២៥ នឹងវិញត្រឡប់មកវិញ នៅក្នុងខែមីនា ខាងមុខនេះ។
ព្រឹត្តិការណ៍ប្រកួតកីឡាបាល់ទះ 4×4 ទូទាំងប្រទេស រដូវកាលទី២ Wurkz Special Volleyball Cup 4×4 season2 នឹងចាប់ផ្តើម៖
- មណ្ឌលពោធិ៍សាត់ ចាប់ពីថ្ងៃទី០៨-០៩ ខែមីនា ឆ្នាំ២០២៥
- មណ្ឌលសៀមរាប ចាប់ពីថ្ងៃទី១៥-១៦ ខែមីនា ឆ្នាំ២០២៥
- មណ្ឌលកំពង់ចាម ចាប់ពីថ្ងៃទី២២-២៣ ខែមីនា ឆ្នាំ២០២៥
- មណ្ឌលកណ្ដាល ចាប់ពីថ្ងៃទី២៩-៣០ ខែមីនា ឆ្នាំ២០២៥
- មណ្ឌលកែប ចាប់ពីថ្ងៃទី០៥-០៦ ខែមេសា ឆ្នាំ២០២៥
កាន់តែពិសេសសម្រាប់ការប្រកួតព្រឹត្តិការណ៍ប្រកួតកីឡាបាល់ទះ 4×4 ទូទាំងប្រទេស Wurkz Special Volleyball Cup រដូវកាលទី២ ឆ្នាំ២០២៥ ដែលមានក្រុមខ្លាំងៗ មកពីតាមបណ្ដាលខេត្តជាច្រើននេះ ក៏មានការផ្សាយជូនទស្សនា តាមរយ:ផេកហ្វេសបុក សារព័ត៌មានត្រយង ត្រយង TV និង Troryorng Sports ផងដែរ។
រំលឹកថា ការប្រកួតពានរង្វាន់កីឡាបាល់ទះ Wurkz Special Volleyball challenge 4×4 ឆ្នាំ២០២៥ ត្រូវបានរៀបចំឡើងចំនួន ៥ផូមិភាគរួមមាន ភូមិភាគទី១ ប្រចាំមណ្ឌលពោធិ៍សាត់ ភូមិភាគទី២ ប្រចាំមណ្ឌលសៀមរាប ភូមិភាគទី៣ ប្រចាំមណ្ឌលកមពង់ចាម ភូមិភាគទី៤ មណ្ឌលកណ្ដាល និងភូមិភាគទី៥ ប្រចាំមណ្ឌលកែប។
គួរបញ្ជាក់ថា ក្រុមបាល់ទះវិសាខា បានក្លាយជាម្ចាស់ជើងឯកនៃពានរង្វាន់ Wurkz Special volleyball 4×4 នៅរាជធានីភ្នំពេញ សម្រាប់រដូវកាលទី១ ក្រោយឈ្នះលើក្រុមក្រសួងមហាផ្ទៃ ដោយលទ្ធផល ៣សិតទល់នឹង១ នៅវគ្គផ្តាច់ព្រ័ត្រ ក្នុងសាលកីឡដ្ឋានជាតិអូឡាំពិក កាលពីរាត្រីថ្ងៃទី២៨ ខែមេសា ឆ្នាំ២០២៤៕
