អារ៉ាប៊ីសាអូឌីត ឈ្នះកូរ៉េខាងត្បូង ខណ:អូស្រ្ដាលី ឈ្នះជប៉ុន ដឹកដៃគ្នា ឡើងទៅកាន់វគ្គផ្ដាច់ព្រ័ត្រ នៃពានរង្វាន់ជើងឯកយុវជនក្រោមអាយុ២០ឆ្នាំ (2025 AFC U-20 Asian Cup) ក្រោយចប់ការប្រកួតកាលល្ងាចថ្ងៃទី២៦ ខែកុម្ភ: ឆ្នាំ២០២៥។
លទ្ធផលប្រកួត វគ្គពាក់កណ្ដាលផ្ដាច់ព្រ័ត្រ៖
- អារ៉ាប៊ីសាអូឌីត ០-០ កូរ៉េខាងត្បូង (ឈ្នះកាត់សេចក្ដី១១ម៉ែត្រ ៣-២)
- អូស្រ្ដាលី ២-០ ជប៉ុន
ដូចនេះ សម្រាប់ការប្រកួតវគ្គផ្ដាច់ព្រ័ត្រ នឹងធ្វើឡើងនៅថ្ងៃទី០១ ខែមីនា ឆ្នាំ២០២៥៖
ការប្រកួតពានរង្វាន់ជើងឯកយុវជនក្រោមអាយុ២០ឆ្នាំ (2025 AFC U-20 Asian Cup) ដែលប្រទេសចិន ទទួលរៀបចំធ្វើជាម្ចាស់ផ្ទះ ចាប់ពីថ្ងៃទី១២ ខែកុម្ភៈដល់ថ្ងៃទី១ ខែមីនា ដោយមាន១៦ប្រទេសចូលរួមប្រកួតប្រជែង។
ក្រុមកូរ៉េខាងត្បូង ជាអ្នកឈ្នះជើងឯកច្រើនជាងគេរហូតដល់១២លើក គិតចាប់តាំងពីពានរង្វាន់នេះបង្កើតឡើងដំបូងពីឆ្នាំ១៩៥៩មក។ ដំបូងឡើយពានរង្វាន់នេះរៀបចំឡើងរាល់១ឆ្នាំម្តង តែចាប់ពីឆ្នាំ១៩៧៨ មកពានរង្វាន់នេះប្តូរមករៀបចំរាល់២ឆ្នាំម្តងវិញ។
សម្រាប់ការប្រកួតពានរង្វាន់ 2025 AFC U-20 Asian Cup ជម្រុះសល់ក្រុមខ្លាំងចំនួន១៦ក្រុម ដើម្បីប្រកួតស្វែងរកម្ចាស់ជើងឯកប្រចាំទ្វីប នៅ៦កីឡដ្ឋានផ្សេងគ្នាក្នុងប្រទេសចិន ចាប់ពីថ្ងៃទី១២ ខែកុម្ភៈដល់ថ្ងៃទី១ ខែមីនា ឆ្នាំ២០២៥។ ក្រុមដែលកក់កៅអីវគ្គពាក់កណ្ដាលផ្ដាច់ព្រ័ត្រមានឈ្មោះតំណាងឱ្យទ្វីបអាស៊ី ឡើងទៅប្រកួតពានរង្វាន់ជើងឯកពិភពលោក 2025 FIFA U-20 World Cup៕
