សិល្បៈអន្តរជាតិ៖ តារាសម្ដែង តារាបង្ហាញម៉ូដ មីយ៉ាន់ម៉ា ប៉ៃ ថាខន បន្ទាប់ពីបានលុតជង្គង់សុំគូស្នេហ៍ដែលជាអ្នកជំនួញជនជាតិមីយ៉ាន់ម៉ារៀបការនៅទីក្រុងសេអ៊ូល និងបានរៀបចំពិធីភ្ជាប់ពាក្យកាលពីពេលថ្មីៗនេះ ទីបំផុតបុរសសង្ហាជាងគេលើផែនដី បានបង្ហោះរូបភាពនៅក្នុងកម្មវិធីអាពាហ៍ពិពាហ៍របស់ខ្លួន ព្រមទាំងបានចុះសំបុត្រអាពាហ៍ពិពាហ៍ដោយមានសាច់ញាតិ ឪពុកម្ដាយទាំងសងខាងធ្វើជាសាក្សីផងដែរ។
រូបភាពដែលត្រូវបានបង្ហោះ Pai Takhon លើកយកមកបង្ហោះនោះមានភ្ជាប់ជាមួយនឹង Caption ជាភាសាអង់គ្លេសថា ថ្ងៃនេះ គូដណ្ដឹងរបស់ខ្ញុំ បានក្លាយជាភរិយារបស់ខ្ញុំហើយ ២៥ កុម្ភៈ ២០២៥។ គ្រាន់តែបង្ហោះចេញទៅលើបណ្ដាញសង្គមភ្លាម អ្នកគាំទ្រជាច្រើនបានចូលរួមអបអរសាទរគូស្វាមីភរិយាថ្មោងថ្មីនេះ។
គេនៅចាំបានថា Pai Takhon ធ្លាប់និយាយថា៖ «កាលពី៤ឆ្នាំមុន បងធ្លាប់សន្យាជាមួយអូនថា បងនឹងរៀបការជាមួយអូនពេលបងអាយុ២៨ឆ្នាំ ពេលនេះពេលវេលាមកដល់ហើយ បងត្រៀមរួចរាល់សម្រាប់ការប្រើប្រាស់ជីវិតមើលថែអូន បងស្រលាញ់អូនណាស់ ហើយបងសន្យាថាបងនឹងធ្វើឱ្យជីវិតរបស់អូនដែលមករួមរស់ជាមួយបងមានតែក្ដីសុខ នោះគឺជាពក្យសន្យារបស់បង»
«បងតែងតែស្រមៃឃើញរូបភាពអូនជាប្រពន្ធរបស់បងជានិច្ច ស្រមៃដែលពេលដែលក្រោកពីគេងពេលព្រឹកបានឃើញផ្ទៃមុខរបស់អូន នៅក្បែរបង ចាំមើលថែទាំកូនៗរបស់ពួកយើង និងរង់ចាំបងត្រលប់មកផ្ទះវិញក្រោយចេញពីធ្វើការ នោះគឺជារូពភាពក្ដីសុខរបស់បង ហើយពេលនេះក្ដីសុបិនរបស់បងក្លាយជាការពិតហើយ។
