កំពង់ចាម÷ នាព្រឹកថ្ងៃទី០១ ខែមីនា ឆ្នាំ២០២៥
លោក លី សុវណ្ណ អភិបាលនៃគណៈអភិបាលក្រុងកំពង់ចាម អញ្ជេីញជាអធិបតីក្នុងពិធីប្រកាសទទួលស្គាល់គណៈអាជីវករផ្សារបឹងកុក ក្រុងកំពង់ចាម ខេត្តំពង់ចាម ។
ឆ្លៀតក្នុងឱកាសនោះដែរ លោក អភិបាល បានមានប្រសាសន៍ណែនាំដល់គណៈអាជីវករផ្សារដែលត្រូវប្រកាសចូលបម្រេីការងារនាពេលនេះ ត្រូវតែខិតខំបម្រេីការងារ និងគោរពតាមលក្ខន្តិកៈ ព្រមទាំងលិខិតបទដ្ឋានគតិយុត្តជាធរមាន ជាពិសេស ត្រូវមានសាមគ្គីភាពផ្ទៃក្នុង ទេីបដំណេីរការងារគ្រប់គ្រងអាជីវករផ្សារទទួលបានជោគជ័យ និងមានការសាទរពីសំណាក់បងប្អូនអាជីវករគ្រប់គ្នា ។
ក្នុងនោះផងដែរ លោក អភិបាល បានផ្តាំបន្ថែមទៀតថា សូមឱ្យគណៈអាជីវករផ្សារ ដែលទេីបចូលបម្រេីការងារនៅថ្ងៃនេះ ធ្វេីយ៉ាងណាពួតដៃគ្នារៀបចំសណ្តាប់ធ្នាប់ផ្សារឱ្យមានរបៀបរៀបរយល្អ និងមេីលទៅមានសោភ័ណភាពដែលអាចនិយាយបានថាជាផ្សារគម្រូសម្រាប់ក្រុងកំពង់ចាមរបស់យេីង ព្រមទាំងមានបច្ចេកទេសក្នុងការដោះស្រាយបញ្ហាផ្សេងៗដែលកេីតមានឡេីងក្នុងផ្សារ ចេះសម្របសម្រួលអធិករណ៍ នៅពេលមានជំលោះម្តងៗ ត្រូវដោះឈរលេីគោលការណ៍ច្បាប់ ដែលកត្តាទាំងនេះធ្វេីឱ្យអាជីវករគ្រប់រូប ព្រមទទួលដោយក្តីសោមនស្សរីករាយ ។
មួយវិញទៀត លោក អភិបាល ក៏បានថ្លែងអំណរគុណដល់គណៈអាជីវករផ្សារ ក្នុងអាណត្តិទី២ ដែលបានខិតខំប្រឹងប្រែងបំពេញការងារ និងរួមចំណែកអភិវឌ្ឍន៍ផ្សារបឹងកុកនាពេលកន្លងទៅនេះព្រមទាំងបានបន្សល់ទុកនូវស្នាដៃ និងស្នាមអនុស្សាវរីយ៍ល្អៗជាច្រេីនសម្រាប់គណៈអាជីវករផ្សារ អាណត្តិទី៣នេះ និងបានបន្តនិរន្តរភាពការងារឆ្ពោះទៅមុខ ព្រមទាំងរួមចំណែកអភិវឌ្ឍន៍ផ្សារបឹងកុកឱ្យកាន់តែរីកចម្រេីនថែមទៀត ។
ពិធីនេះផងដែរ មានការអញ្ជេីញចូលរួមអមដំណេីរដោយ លោក លោកស្រី អភិបាលរង លោក នាយករងរដ្ឋបាលក្រុង និងប្រធានការិយាល័យពាក់ព័ន្ធ ស្ថិតនៅស្នាក់ការ ផ្សារបឹងកុក ក្រុងកំពង់ចាម ៕
អត្ថបទ÷ អាចារ្យលាក់