សមាជិកលីគកំពូលកម្ពុជា ២រូបទៀត គឺកីឡាករ Jarvey Gayoso របស់ភ្នមពេញក្រោន និង Scott Woods របស់បឹងកេត ត្រូវបានសហព័ន្ធបាល់ទាត់ហ្វីលីពីនកោះហៅ ចូលក្រុមជម្រើសជាតិខ្លួន ដើម្បីត្រៀម ប្រកួតវគ្គជម្រុះពានរង្វាន់ទ្វីបអាស៊ី 2027 AFC Asian Cup qualification វគ្គជម្រុះជុមទី៣។
រូបគេទាំង២ ជាកីឡាករទី៣និងទី៤ នៅលីគកំពូលកម្ពុជា ដែលត្រូវបានសហព័ន្ធបាល់ទាត់ខ្លួនហៅចូលជម្រើសជាតិ បន្ទាប់ពីឡាករ Joao Pedro របស់អង្គរថាយហ្កឺរ និងអ្នកចាំទី Georgino Silva របស់ក្លិបបាល់ទាត់ឡាយហ្វ ខេត្តព្រះសីហនុ ជាប់ឈ្មោះក្នុងជម្រើសជាតោទីម័រខាងកើត។
ក្រុមជម្រើសជាតិទីម័រខាងកើត និង ហ្វីលីពីន ស្ថិតនៅក្នុងពូល A ជាមួយគ្នា រួមមាន តាជីគីស្ថាន និងកោះម៉ាឌីវ។ ខណ:ការប្រកួត នឹងត្រូវចាប់ផ្ដើមចាប់ពីថ្ងៃទី២៥ ខែមីនា រហូតដល់ថ្ងៃទី៣១ ខែមីនា ឆ្នាំ២០២៥។ ក្រុមលេខ១តាមពូលនីមួយៗ មានឈ្មោះឡើងទៅបំពេញបង្គ្រប់ជាមួយក្រុម១៨ដែលកំពុងរង់ចាំ។
ពានរង្វាន់ជើងឯកទ្វីបអាស៊ី AFC Asian Cup ឆ្នាំ២០២៧ កំណត់យកក្រុមខ្លាំងៗចំនួន២៤ ទៅប្រកួតយកជើងឯក ខណៈក្រុមចំនួន១៨ ទទួលបានកៅអីដោយស្វ័យប្រវត្តិ ស្របពេលដែលក្រុមចំនួន២៧ ត្រូវប្រកួតគ្នាចំនួន២វគ្គ មានវគ្គជម្រុះបឋម ចំនួន៣គូ និងវគ្គជម្រុះជុំទី៣ សល់ក្រុមចំនួន២៤ក្រុម ចែកជា៦ពូល។ ក្រុមលេខ១តាមពូលនីមួយៗ មានឈ្មោះឡើងទៅបំពេញបង្គ្រប់ជាមួយក្រុម១៨ដែលកំពុងរង់ចាំ។
ពានរង្វាន់ជើងឯកអាស៊ី AFC Asian Cup រៀបចំឡើងដំបូងតាំងពីឆ្នាំ១៩៥៤ ដោយធ្វើឡើងរាល់៤ឆ្នាំម្តង ខណៈក្រុមជម្រើសជាតិជប៉ុន ឈ្នះជើងឯកបានចំនួន៤លើកច្រើនជាងគេ ស្របពេលដែលអារ៉ាប៊ីសាអ៊ូឌីត និងអ៊ីរ៉ង់ ធ្លាប់ឈ្នះបាន៣លើកម្នាក់ ហើយកាតារ និងកូរ៉េខាងត្បូង ធ្លាប់ឈ្នះជើងឯកបាន២លើកដូចគ្នា ព្រមទាំងអ៊ីស្រាអែល គុយវ៉ែត អូស្ត្រាលី និងអ៊ីរ៉ង់ ឈ្នះបានម្នាក់១លើក៕
