សិល្បៈជាតិ៖ នៅព្រឹកថ្ងៃទី១១ ខែមីនា ឆ្នាំ២០២៥ នេះ សមាគមអ្នកនិពន្ធខ្មែរបានបង្ហោះរូបភាព២សន្លឹកបង្ហាញការអបអរសាទរជូន ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា ក្រោយសមាគមបានប្រសិទ្ធនាមឯកឧត្តមជា «គរុវិជ្ជាចារ្យកវីនិពន្ធ»។
នៅក្នុងលិខិតដែលចុះហត្ថលេខាដោយប្រធានក្រុមប្រឹក្សាភិបាលសមាគមអ្នកនិពន្ធខ្មែរ ឯកឧត្តម ជ័យ ចាប បានសម្រេចផ្ដល់ជូននូវប្រសិទ្ធនាមកិត្តិយសដល់ឧបនាយករដ្ឋមន្ត្រី ហង់ជួន ណារ៉ុន ជាគរុវិជ្ជាចារ្យកវីនិពន្ធ អាស្រ័យដោយឯកឧត្តមមាន គុណវុឍ្ឍិ និងគុណសម្បត្តិ ក្នុងបុព្វហេតុអក្សរសាស្ត្រ អក្សរសិល្ប៍ខ្មែរ។
សូមគោរពអបអរសាទរ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា សម្រាប់មហាកិត្តិយសដ៏ថ្លៃថ្លានេះ៕
