នៅទីបំផុតជើងខ្លាំងមកពីថៃ Buriram United បានទម្លាក់ Johor Darul Ta’Zim របស់ម៉ាឡេស៊ី ក្នុងលទ្ធផលសរុបទាំង២ជើង ១-០ ដោយការស៊ុតបញ្ចូលទីរបស់ Suphanat Mueanta ឡើងវគ្គ ៨ក្រុមចុងក្រោយនៃពានរង្វាន់លំដាប់ទី១ ទ្វីបអាសុី AFC Champions League Elite 2024-25។
ជ័យជំនះនេះជួយឱ្យក្លិបជើងឯកលីគថៃបានកក់កៅអីវគ្គ ៤ក្រុមចុងក្រោយតំបន់ខាងលិច (West Region) ដែលជាវគ្គ ៨ក្រុមចុងក្រោយនៃពានរង្វាន់លំដាប់ទី១ ទ្វីបអាសុី AFC Champions League Elite 2024-25 ទៅលេងនៅលើទឹកដីអារ៉ាប៊ីសាអូឌីត។
គិតត្រឹមថ្ងៃនេះ សម្រាប់ពានរង្វាន់ក្លិបធំជាងគេប្រចាំទ្វីបអាស៊ី បានរកឃើញជើងខ្លាំងចំនួន៦ ឈានទៅវគ្គ៨ក្រុមចុងក្រោយរួមមាន៖ Al-Nassr អារ៉ាប៊ីសាអូឌីត, Al-Hilal អារ៉ាប៊ីសាអូឌីត, Al-Ahli អារ៉ាប៊ីសាអូឌីត, Al Sadd កាតា, Yokohama F. Marinos ជប៉ុន និង Buriram United ថៃ។
សរុបលទ្ធផវគ្គ១៦ក្រុមចុងក្រោយ AFC Champions League តំបន់ភាគខាងលិចទាំង២ជើង៖
- Pakhtakor ១-០ Al-Hilal (សរុបទាំង២ជើង ១-៤)
- Al-Rayyan ១-៣ Al-Ahli (សរុបទាំង២ជើង ១-៥)
- Esteghlal ០-០ Al-Nassr (សរុបទាំង២ជើង ០-៣)
- Al-Wasl ១-១ Al-Sadd (សរុបទាំង២ជើង ១-៣)
លទ្ធផលវគ្គ១៦ក្រុមចុងក្រោយ AFC Champions League តំបន់ភាគខាងកើតជើងទី១៖
- Shanghai Port ០-១ Yokohama F. Marinos (សរុបទាំង២ជើង ១-៥)
- Buriram United ០-០ Johor Darul Ta’zim (សរុបទាំង២ជើង ១-០)
- Shanghai Shenhua ១-០ Kawasaki Frontale
- Vissel Kobe ២-០ Gwangju
ពានរង្វាន់ AFC Champions League ត្រូវបានសហព័ន្ធកីឡាបាល់ទាត់អាស៊ី បែងចែកជា ២តំបន់ដោយក្នុងនោះមានតំបន់ភាគខាងលិច (សហព័ន្ធបាល់ទាត់អាស៊ីខាងលិច,សហព័ន្ធបាល់ទាត់អាស៊ីខាងត្បូងនិងសហព័ន្ធបាល់ទាត់អាស៊ីកណ្ដាល) ចំណែកតំបន់មួយទៀតគឺអាស៊ីខាងកើត (សហព័ន្ធបាល់ទាត់អាស៊ីខាងកើត និងសហព័ន្ធបាល់ទាត់អាស៊ាន)។
ពានរង្វាន់ AFC Champions League បង្កើតឡើងដំបូងតាំងពីឆ្នាំ១៩៩៦-៩៧ ហើយក្រុម Al-Hilal របស់អារ៉ាប៊ីសាអ៊ូឌីត ឈ្នះជើងឯកច្រើនជាងគេគឺចំនួន ៤លើក ខណ:ក្រុម Pohang Steelers របស់កូរ៉េខាងត្បូង បាន៣ដងម្នាក់៕
