ក្រុមជម្រើសជាតិវៀតណាម បានយកឈ្នះក្រុមជម្រើសជាតិកម្ពុជា ក្នុងលទ្ធផល ២-១ នៃការប្រកួតមិត្តភាពអន្តរជាតិ នារាត្រីថ្ងៃទី១៩ ខែមីនា ឆ្នាំ២០២៥ កីឡដ្ឋាន Gò Đậu, ខេត្ត Binh Duong ប្រទេសវៀតណាម។
១គ្រាប់របស់កម្ពុជា គឺជាការរកគ្រាប់បាល់បានដោយកីឡាករវ័យក្មេង ប៊ុង សាំយូអែល ស៊ុតពីលើដំបូលទូកមួយគ្រាប់ នៅនាទីទី៦៤ អោយកម្ពុជា តាមពីក្រោយវៀតណាម ២-១ រហូតដល់ចប់ការប្រកួត ហើយក៏ជាគ្រាប់បាល់ដំបូងរបស់គេ ក្នុងការប្រកួតជាមួយក្រុមជម្រើសជាតិឈុតធំផងដែរ។
គិតត្រឹម ៦ប្រកួតចុក្រោយកម្ពុជា នៅតែមិនអាចយកឈ្នះវៀតណាមបានដដែល ដោយ៦ប្រកួតនោះរួមមានដូចខាងក្រោម៖
- ថ្ងៃទី២៦ វិច្ឆិកា ២០១៦៖ វៀតណាម ២-១ កម្ពុជា ពានរង្វាន់ AFF Championship
- ថ្ងៃទី៥ កញ្ញា ២០១៧៖ កម្ពុជា ១-២ វៀតណាម ពានរង្វាន់ AFC Asian Cup
- ថ្ងៃទី១០ តុលា ២០១៧៖ វៀតណាម ៥-០ កម្ពុជា ពានរង្វាន់ AFC Asian Cup
- ថ្ងៃទី១៤ តុលា ២០១៨៖ វៀតណាម ៣-១ កម្ពុជា ពានរង្វាន់ AFF Championship
- ថ្ងៃទី១៩ ឆ្នូ ២០២១៖ វៀតណាម ៤-០ កម្ពុជា ពានរង្វាន់ AFF Championship
- ថ្ងៃទី១៩ មីនា ២០២៥៖ វៀតណាម ២-១ កម្ពុជា មិត្តភាពអន្តរជាតិ
ក្រៅពីការប្រកួតមិត្តភាពអន្តរជាតិទល់នឹងវៀតណាម គោព្រៃកម្ពុជា នឹងត្រូវត្រឡប់មកមាតុភូមិវិញ ហើយបន្តជួបក្រុមជម្រើសជាតិអារូបា (Aruba) ដែលមកពីទ្វីបអាមេរិកខាងត្បូង នៅថ្ងៃអង្គារ ទី២៥ ខែមីនា ឆ្នាំ២០២៥ ខាងមុខនេះ នៅពហុកីឡដ្ឋានជាតិ ម៉ោង ៧:០០នាទីយប់៕
