លោក ធីម សៀងហៃ គ្រូបង្ហាត់គុនខ្មែរ កំពុងរស់នៅ ក្នុងប្រទេសបារាំង នៅព្រឹកថ្ងៃទី១ មេសានេះ បានបញ្ចេញមតិនៅលើបញ្ដាញសង្គមហ្វេសបុក បន្ទាប់ពីឃើញវត្តមាននៃការបង្ហាញ WBC Kun Khmer ដាក់នៅលេីរខ្សែក្រវ៉ាត់ នៅប្រទេសកម្ពុជា។
ធីម សៀងហៃ បានសរសេររៀបរាប់ថា៖ «ជាដំបូងខ្ញុំបាទ គ្រូក្មេងសៀងហៃ ក្នុងនាមជាអ្នកបង្ហាត់គុនខ្មែរនៅក្រៅប្រទេស និងជាកីឡាករម្នាក់ សូមគោរពដល់លោកពូ ឧកញ៉ា ស្រី ចាន់ថន និងសូមចូលរួមត្រេអរសម្រាប់ការខិតខំទំនាក់ទំងនាំឈ្មោះ WBC Kun Khmer ដាក់នៅលេីរខ្សែក្រវ៉ាត់បានមកដល់ពេលនេះ ក្នុងនាមខ្ញុំជាខ្មែរ ពិតជាមានមោទភាពមួយដ៏អស្ចារ្យមែនទែនសម្រាប់លោកពូឧកញ៉ា ព្រោះបងប្អូនអ្នកគាំទ្រវិស័យប្រដាល់ គឺពួកគាត់តែងតែចង់ឃេីញគុនខ្មែរមានអ្វីផ្លែក និងនាំអ្វីដែរថ្មីសម្រាប់ជាតិខ្មែរទៅថ្ងៃមុខ សម្រាប់របស់ដែរមានតម្លៃរដូចជាពានរង្វាន់ ឬក៏ខ្សែក្រវ៉ាត់ជាដេីម»។
គ្រូវ័យក្មេងរូបនេះបានបន្តថា៖ «ក្នុងនាមក្មួយជាអ្នកស្រលាញ់ និងគោរពគាំទ្រដល់លោកពូ ក្មួយសូមបញ្ចេញមតិមួយចំនុចតូច សង្ឃឹងថាលោកពូឧកញ៉ា មិនប្រកាន់ដល់ក្មួយ សម្រាប់ការបញ្ចេញមតិមួយនេះ សម្រាប់ខ្ញុំ គឺមិនចង់ឃេីញនៅសកម្មមួយដែរបង្ហាញគ្រប់ទម្រង់ ធ្វេីឲ្យមេីលទៅដូចជារញ៉េរញ៉ៃបន្តិច សម្រាប់ភ្នែកជនបរទេស គឺឃេីញមានការថតខ្សែក្រវ៉ាត់ និងអ្នកខ្លះក៏យកដៃប៉ះនៅកន្លែងហ្វឹកហាត់របស់លោកពូ និងសួរនាំ….ទាំងនេះមេីលទៅដូចជាមិនសូវសម និងពេលវេលាមួយដែរត្រូវមកបង្ហាញ»។
លោក ធីម សៀងហៃ បានបន្ថែមថា៖ សម្រាប់ខ្ញុំប្រសិនជាលោកពូឧកញ៉ាធ្វេីបទបង្ហាញមុខការប្រកួតមុនមួយថ្ងៃ ឬក៏ខ្វះមួយសប្ដាហ៍ បេីកកម្មវិធីធ្វេីសន្តិការសែតពាក់ព័ន្ធនិងទំនាក់ទំនងនូវការបង្កេីត WBC Kun Khmer នេះឡេីងទៅកាន់ទស្សនិជន ឬក៏អ្នកការសែត គឺវាកាន់តែមានតម្លៃរកាន់តែខ្លាំងសម្រាប់ការបង្ហាញ និងធ្វេីឲ្យតាមបណ្ដាលប្រទេសផ្សេងៗ និងមេ WBC ប្រដាល់សៀម កាន់តែភ្ញាក់ផ្អេីលកាន់តែខ្លាំង និងកាន់តែមានតម្លៃរថ្វេរដងសម្រាប់ភ្នែករបស់ពួកគេ នូវការរៀបចំគម្រោង សម្រាប់ការជោគជ័យមួយដ៏ធំមួយនេះ គឺដេីម្បីតម្លៃររបស់ខ្មែរជាមួយពេលវេលាដ៏សមស្របក្នុងការបង្ហាញ WBC Kun Khmer។
លោក ធីម សៀងហៃ គឺជាកូនខ្មែរសុទ្ធសាធដែលស្រលាញ់ការហាត់ប្រដាល គុនខ្មែរ ជាអ្នកមានស្រុកកំណើតនៅខេត្តកោះកុង តាំងពីតូចៗមក ដោយមានឈាមឪពុក និងពូជាអ្នកប្រដាល់ ស្រាប់ក៏បានជម្រុញឲ្យលោកកាន់តែមានដុងក្នុងវិស័យប្រដាល់គុនខ្មែរ។ កាលនៅតូចលោកធ្លាប់បានចូលរួមប្រកួតជាច្រើនទាំងនៅតាមវត្ត រហូតដល់ថ្នាក់ជាតិ និងអន្តរជាតិ។
បច្ចុប្បន្នលោកកំពុងបម្រើសការនៅក្នុងក្លិបសមាគមគុនខ្មែរ នៅក្នុងទីក្រុង បុកដូ ដែលជាកម្មសិទ្ធរបស់កូនខ្មែរកាត់បារាំងមួយរូបដែលជាអ្នកស្រលាញ់ និងចង់ផ្សព្វផ្សាយគុនខ្មែរនៅបរទេស និងកំពុងមានការគាំទ្រយ៉ាងខ្លាំងសម្រាប់បរទេសដែលមកហ្វឹកហាត់ជាមួយលោកផ្ទាល់ ដោយជាគ្រូគុនខ្មែរ៕
