ដេីម្បីធានាបាននូវបរិយាកាសសន្តិសុខសណ្តាប់ធ្នាប់របៀបរៀបរយនិងសុវត្ថិភាពសង្គមឱ្យបានល្អក្នុងឱកាសបុណ្យចូលឆ្នាំថ្មីប្រពៃណីជាតិខ្មែរឆ្នាំម្សាញ់សប្ភស័ក ពុទ្ធសករាជ២៥៦៩គ្រឹះសករាជ២០២៥ដែលចូល មកដល់នាថ្ងៃខាងមុខនេះ ស្នងការនៃស្នងការដ្ឋាននគរបាលខេត្តបាត់ដំបង បានផ្ញើសារក្រើនរំលឹក ៥ វិធានការជូនសាធារណជន ភ្ញៀវទេសចរណ៍ជាតិ ភ្ញៀវអន្តរជាតិបានជ្រាប និងចូល រួមសហការអនុវត្តដូចតទៅនេះ៖
១-ត្រូវមានការប្រុងប្រយ័ត្នឱ្យបានខ្ពស់ ចំពោះការដុតទៀនធូបទទួលទេវតាឆ្នាំថ្មី និងពិធីផ្សេងៗទៀតក្នុងថ្ងៃបុ ណ្យនិងត្រូវពិនិត្យមេីលភ្លេីងជេីងក្រាន ចរន្តអគ្គិសនី ទាំងពេលកំពុងស្ថិតនៅឬមុនពេលចាកចេញពីលំនៅដ្ឋានចៀសវាងកេីតមានគ្រោះអគ្គិភ័យជាយថាហេតុណាមួយ។
២-ពិនិត្យមេីលឱ្យបានហ្មត់ចត់គ្រប់ជ្រុងជ្រោយទ្វារ បង្អួច របងលំនៅដ្ឋានឬ ទីតាំងអាជីវកម្មនានា ដោយ ចាក់សោឱ្យ បានត្រឹមត្រូវមុនពេលចាកចេញធានាសុវត្ថិភាពល្អ។
៣-ការធ្វេីដំណេីរទៅកាន់ទីជិតឬទីឆ្ងាយក្នុងឱកាសនេះ សូមចូលរួមគោរពច្បាប់ចរាចរណ៍ឱ្យបានត្រឹមត្រូវ សូមកុំបេីកបរក្រោមឥទ្ធិពលគ្រឿងស្រវឹង គ្រឿង ញៀនឱ្យសោះ ដេីម្បីសុខសុវត្ថិភាព និងអាយុជីវិត យេីងទាំងអស់គ្នា សូមបេីកបរដោយការយោគយល់ អធ្យាស្រ័យ ។
៤-ការចូលរួមកំសាន្តសប្បាយក្នុងឱកាសពិធីបុណ្យសូមឃ្លាំមេីលការពារកុមារតូចៗដែលនាំមកជាមួយជាប់ជាប្រចាំក្រែង មានគ្រោះថ្នាក់ ដោយការចុះលេងទឹកនៅទីរមណីយដ្ឋាន ឬវង្វេងគ្នាក្នុងពេលកំពុងសប្បាយរីករាយក្នុងពិធី។
៥-ចូលរួមសហការផ្តល់ព័ត៌មានមកសមត្ថកិច្ចនគរបាលដែលមានវត្តមាន នៅតាមវត្តអារាម នៅតាមដងផ្លូវ ទីរម ណីយដ្ឋាន ទីកន្លែងកំសាន្តសប្បាយ នានា តាមគ្រប់មធ្យោបាយ ក្នុងពេលមានបញ្ហាអសន្តិសុខណា មួយ ឬទំនាក់ទំនងមកលេខទូរស័ព្ទប្រចាំបញ្ជា២៤ ម៉ោងលើ២៤ម៉ោង របស់ស្នងការដ្ឋានដែលបានផ្សព្វផ្សាយជាប្រចាំ នៅក្នុងផេកហ្វេសប៊ុករបស់ស្នងការដ្ឋាន។
ជាមួយគ្នានេះ ស្នងការដ្ឋាននគរបាលខេត្តបាត់ដំបងមានសង្ឃឹមនិងជឿជាក់យ៉ាងមុតមាំចំពោះការចូលរួមសហការអនុវត្តនូវខ្លឹមសារខាងលើពីសាធារណជនភ្ញៀវទេសចរណ៍ជាតិ អន្តរជាតិនៅគ្រប់មជ្ឈដ្ឋានដោយភាតរភាពបំផុត ៕
