ក្លិបបាល់ទះវិសាខា តំណាងកម្ពុជា បាននាំយកគ្រូបង្វឹកថ្មីជនជាតិថៃ គឺលោក ខុមក្រិច ប្រាយនឆាន-Khomkrich Prayooncharn ដើម្បីដឹកនាំក្រុម ត្រៀមការពារតំណែងជើងឯកនៅក្នុងពានរង្វាន់ The WinStreak Volleyball Invitational នៅតៃវ៉ាន់។
លោក ខុមក្រិច ប្រាយនឆាន-Khomkrich Prayooncharn គឺជាអតីតកីឡាករជម្រើសជាតិបាល់ទះថៃ ដែលលោកធ្លាប់មានបទពិសោធន៍ច្រើនក្នុងមានជាកីឡាករ និងជាគ្រូវបង្វឹក ដែលធ្លាប់បានដឹកនាំក្រុមជាច្រើននាពេលកន្លងមកទាំងនៅក្នុងប្រទេសថៃ និកម្ពុជាផងដែរ។
បើយោងតាមការបញ្ជាក់របស់លោក អាំង សិរីពិសិដ្ឋ អនុប្រធាន និងជាអគ្គលេខាធិកាសហព័ន្ធបាល់ទះកម្ពុជា និងជាប្រតិភូដឹកនាំក្រុមបាល់ទះវិសាខា ត្រៀមដឹកនាំក្រុមការពារតំណែងជើងឯកនៅតៃវ៉ាន់ បានលើកឡើងពីការនាំយកគ្រូបង្វឹកថ្មី ជនជាតិថៃ ដូចខាងក្រោ៖
ព្រឹត្តិការណ៍ប្រកួតពានរង្វាន់ The Win Streak Volleyball Invitational នៅតៃវ៉ាន់ មាន ៨ក្រុមចូលរួមប្រកួតប្រជែង មានកម្ពុជា តៃវ៉ាន់ ម៉ាឡេស៊ី កូរ៉េខាត្បូង ឥណ្ឌូនេស៊ី និងថៃ ដែលគ្រោងនឹងចាប់ផ្តើមប្រកួតពីថ្ងៃទី៣០ ខែមេសា ដល់ថ្ងៃទី៤ ខែឧសភា ឆ្នាំ២០២៥។
ការប្រកួតបែងចែកជា២ពូល៖
- ពូល A: វិសាខា, Hyundai Capital Skywalkers កូរ៉េខាងត្បូង, MBSA Pelican ម៉ាឡេស៊ី , Taichung Bank តៃវ៉ាន់
- ពូល B: Win+Streak តៃវ៉ាន់ , Jakarta Garuda ឥណ្ឌូណេស៊ី , Nakhon Ratchasima ថៃ , Armed Forces កូរ៉េខាងត្បូង។
ក្លិបបាល់ទះវិសាខា ក្លាយជាម្ចាស់ជើងឯក នៃពានរង្វាន់ Win+ Streak Volleyball Invitational Tournament 2024 ក្រោយយកឈ្នះម្ចាស់ផ្ទះ Win Streak របស់តៃវ៉ាន់ នៅវគ្គផ្តាច់ព្រ័ត្រ ក្នុងលទ្ធផល ៣ សិតទល់នឹង ១។
សិតទី១៖ វិសាខា ២៥-២៣ Win Streak
សិតទី២៖ វិសាខា ២៣-២៥ Win Streak
សិតទី៣៖ វិសាខា ២៥-២៣ Win Streak
សិតទី៤៖ វិសាខា ២៥-២២ Win Streak៕
