ភ្នំពេញ: ធ្លាក់ភ្លៀងមួយមេធំធ្វើឲ្យផ្លូវភ្លឺប្រឡាយស្ទឹងមានជ័យបាក់ស្រុតបណ្ដាលឱ្យធ្លាក់កង់បី១គ្រឿងចូលក្នុងប្រឡាយ តែត្រូវបានប្រជាពលរដ្ឋក្បែរនោះជួយស្រង់កង់បីឡើងមកវិញ។
ករណីបាក់ស្រុតនេះបង្កការភ្ញាក់ផ្អើលកាលពីវេលាម៉ោង១៦៖៣០ នាទីរសៀល ថ្ងៃទី២៦ ខែមេសា ឆ្នាំ២០២៥ នៅចនៅចំណុចផ្លូវភ្លឺប្រឡាយស្ទឹងមានជ័យ សង្កាត់ស្ទឹងមានជ័យទី០២ ខណ្ឌមានជ័យ រាជធានីភ្នំពេញ ។
គួររំលឹកផងដែរថា ផ្លូវភ្លឺប្រឡាយខាងលើកន្លែងមកធ្លាប់បានបាក់ស្រុតអស់ជាច្រើនម៉ែត្រផងដែរ ក្រោយមកសាលារាជធានីភ្នំពេញបានដាក់គ្រឿងធ្វើការជួសជុលឡើងវិញ មិនទាន់បានរួចរាលផង ស្រាប់តែនៅរសៀលថ្ងៃកើតហេតុមានភ្លៀងធ្លាក់មួយមេធំទឹកហូរច្រោះបណ្ដាលឱ្យបាក់ស្រុតផ្លូវភ្លឺប្រឡាយទៀត។
ពាក់ព័ន្ធករណីខាងលើនេះ ភ្លាមៗ អាជ្ញាធរសង្កាត់ស្ទឹងមានជ័យទី០២ បានចុះមកដល់ទីតាំងខាងលើ និងបានហ៊ុមព័ទ្ធខ្សែជាបណ្ដោះអាសន្ន និងរាយការណ៍ជូនថ្នាក់លើ ដើម្បដើម្បីរង់ចាំចំណាត់ការផងដែរ ៕
អត្ថបទ÷ សេង សាវី