ក្រុមបាល់ទាត់ Paris Saint-Germain នឹងត្រូវជួប Inter Milan នៅវគ្គផ្តាច់ព្រ័ត្រ នៃពានរង្វាន់លំដាប់ទី១ ប្រចាំទ្វីបអឺរ៉ុប UEFA Champions League រដូវកាល ២០២៤-២៥ ម៉ោង ២:០០រំលងអធ្រាត្រ យប់ថ្ងៃទី៣១ ខែឧសភា ឈានចូលព្រឹកថ្ងៃទី១ ខែមិថុនា ឆ្នាំ២០២៥ ម៉ោងនៅកម្ពុជា។
លោក István Kovács មានវ័យ ៤០ឆ្នាំ ជនជាតិរ៉ូម៉ានី នឹងកាត់សេចក្ដីវគ្គផ្ដា់ច់ព្រ័ត្រពានរង្វាន់លំដាប់ទី១ប្រចាំទ្វីបអឺរ៉ុប 2024-25 UEFA Champions League ដែលជាការប្រកួតរវាង Paris Saint-Germain ជាមួយ Inter Milan ថ្ងៃទី៣១ ខែឧសភា ឆ្នាំ២០២៥ នៅកីឡដ្ឋាន Allianz Arena ប្រទេសអាល្លឺម៉ង់។
ពានរង្វាន់ UEFA Champion League បង្កើតឡើងដំបូងនៅឆ្នាំ ១៩៥៥ ពោលគឺមានអាយុកាល ៦៨ឆ្នាំ ដោយ Real Madrid ឈ្នះពាននេះច្រើនជាងគេសរុប ១៥ដងទាំងលើកនេះ ខណ: AC Milan ធ្លាប់ឈ្នះបាន ៧ដង រីឯ Liverpool និង Bayern Munich ឈ្នះបាន៦លើក ខណ:ក្រុមជើងឯករងឆ្នាំចាស់គឺ Borussia Dortmund ធ្លាប់ឈ្នះបាន១លើក នៅឆ្នាំ១៩៩៧៕