កាលពីថ្ងៃទី៣ ខែមិថុនា ឆ្នាំ២០២៥ ក្លិបបាល់ទាត់ Duli Pengiran Muda Mahkota (DPMM ឬ Brunei DPMM) បានចុះកិច្ចព្រមព្រៀងជាមួយ FAM ដើម្បីចូលរួមជាមួយ Malaysia Super League សម្រាប់រដូវកាល 2025/2026។
នេះគឺជាលើកទី៣ ហើយដែលក្លិបបាល់ទាត់ DPMM FC ទៅចូលរួមប្រកួតពានរង្វាន់ Malaysia Super League ដោយកាលលើកទី១ នៅរដូវកាលឆ្នាំ២០០៥-២៦ និងលើកទី២ រដូវកាលឆ្នាំ២០០៧-២៨ ខណ:លើកទី៣នេះ រដូវកាលឆ្នាំ២០២៥-២៦។
ក្រៅពីទៅចូលរួមជាមួយលីគកំពូលម៉ាឡេស៊ី ក្លិបបាល់ទាត់ DPMM FC ក៏បានចូលរួមជាមួយ Singapore Premier League លីគកំពូលរបស់សិង្ហបុរី ចំនួន ៩រដូវកាលរួចមកហើយ (២០០៩, ២០១២, ២០១៣, ២០១៤, ២០១៥, ២០១៦, ២០១៧, ២០១៨ និងចុងក្រោយឆ្នាំ២០១៩) នឹងធ្លាប់ឈ្នះជើងឯកបាន ២លើកគឺនៅឆ្នាំ២០១៥ និងឆ្នាំ២០១៩។
គួរបញ្ជាក់ថា ក្លឹបបាល់ទាត់ DPMM FC គឺជាក្លិបដែលគ្រប់គ្រង់ដោយព្រះអង្គម្ចាស់ Al-Muhtadee Billah ជារាជទាយាទនៃប្រទេសប្រ៊ុយណេ និងជាក្លិបបាល់ទាត់អាជីពដែលមានមូលដ្ឋាននៅទីក្រុង Bandar Seri Begawan ប្រទេសប្រ៊ុយណេដារូសាឡឹម ដែលបានបង្កើតឡើងកាលពីឆ្នាំ១៩៩៤ គិតមកដល់ពេលនេះមានអាយុ ៣១ឆ្នាំហើយ៕
