ការប្រកួតពានរង្វាន់បាល់ទះផ្នែកនារីពិភពលោក FIVB Women’s Volleyball Nations League 2025 បានបញ្ចប់សប្ដាហ៍ទី១ ដោយក្រុមនារីជប៉ុន អ៊ីតាលី និងតួកគី មិនទាន់បរាជ័យសោះឆ្លងកាន់ ៤ប្រកួតរួចមក។
នេះជាលទ្ធផល៤ប្រកួតរបស់ក្រុមខ្លាំងនារីទាំង ៣រួមមាន៖
ក្រុមបាល់ទះនារីជប៉ុន
- ហូឡង់ ០-៣ ជប៉ុន (១៧–២៥, ១៥–២៥, ១៦-២៥)
- ស៊ែប៊ី ០-៣ ជប៉ុន (១៩–២៥, ២១–២៥, ១៣-២៥)
- កាណាដា ០-៣ ជប៉ុន (២៤–២៦, ២០–២៥, ១៩-២៥)
- សាធារណរដ្ឋដូមីនីកែន ០-៣ ជប៉ុន (១៩–២៦, ២១–២៥, ៩-២៥)
ក្រុមបាល់ទះនារី អ៊ីតាលី
- អាមេរិក ០-៣ អ៊ីតាលី (១៣–២៥, ១៣–២៥, ២៨-៣០)
- អាល្លឺម៉ង់ ២-៣ អ៊ីតាលី (២៥–២២, ១០–២៥, ២៥-២០, ១៣-២៥, ៩-១៥)
- កូរ៉េខាងត្បូង ០-៣ អ៊ីតាលី (១៣–២៥, ១៣–២៥, ១៧-២៥)
- ប្រេស៊ីល ០-៣ អ៊ីតាលី (២២–២៥, ១៨–២៥, ២៧-២៩)
ក្រុមបាល់ទះនារី តួកគី
- បារាំង ១-៣ តួកគី (១៧–២៥, ២៥–២៣, ១៣-២៥, ១៤-២៥)
- តួកគី ៣-០ ថៃ (២៥–២៣, ២៥–១៤, ២៥-២២)
- តួកគី ៣-២ ប៉ូឡូញ (២៥–២១, ១៨–២៥, ២៥-២៣, ២២-២៥, ១៥-៧)
- ចិន ២-៣ តួកគី (២៥–២៩, ២០–២៥, ៣១-២៩, ២៦-២៨, ១២-១៥)
ការប្រកួតសប្ដាហ៍ទី២ នឹងចាប់ផ្ដើប្រកួតនៅថ្ងៃ១៨ ខែមិថុនា ឆ្នាំ២០២៥ ព្រឹត្តិការណ៍នេះត្រូវបានធ្វើឡើង នៅប្រទេសប៉ូឡូញ។
ការប្រកួតពានរង្វាន់បាល់ទះផ្នែកនារីពិភពលោក FIVB Women’s Volleyball Nations League 2025 មាន២ដំណាក់កាលគឺ ទី១ ការប្រកួតវិលជុំសន្សំពិន្ទុដែលមាន ៣សប្តាហ៍ គិតចាប់ពីថ្ងៃទី៤ ខែមិថុនា ដល់ថ្ងៃទី១៣ ខែកក្កដា ឆ្នាំ២០២៥។
ក្រុមដែលមានពិន្ទុខ្ពស់ជាងគេចំនួន៧ និងម្ចាស់ផ្ទះ ប៉ូឡូញ បានឡើងទៅដំណាក់កាលទី២ ដែលជាជុំផ្ដាច់ព្រ័ត្រ ធ្វើឡើងចាប់ពីថ្ងៃទី២៣ រហូតដល់ថ្ងៃទិ២៧ ខែមិថុនា ឆ្នាំ២០២៥ ដើម្បីរកឃើញម្ចាស់ជើងឯក។
សូមជម្រាបថា ពានរង្វាន់បាល់ទះផ្នែកនារីកម្រិតទី១ពិភពលោក បានបង្កើតឡើងដំបូងនៅឆ្នាំ២០១៨ ដោយនៅឆ្នាំដំបូងនោះគឺធ្វើឡើងនៅប្រទេសចិន នៅឆ្នាំ២០១៩ នៅរៀបចំនៅប្រទេសចិនដដែល ហើយក្រុមបាល់ទះជម្រើជាតិនារីអាមេរិក គ្រងជើងឯក២ឆ្នាំជាប់គ្នាតែម្តង។
នៅឆ្នាំ២០២០ មិនមានការរៀបចំនោះឡើយដោយសារជំងីកូវីត ១៩ នៅឆ្នាំ២០២១ ធ្វើឡើងនៅប្រទេសអ៊ីតាលី ជើងឯកបានលើក្រុមជម្រើសជាតិអាមេរិក ឆ្នាំ២០២២ ធ្វើនៅប្រទេសទួរគី ជើងឯកគឺបានលើក្រុមជម្រើសជាតិអ៊ីតាលី ។
នៅឆ្នាំ២០២៣ រៀបចំឡើងនៅសហរដ្ឋអាមេរិក ជើងឯកគឺបានលើក្រុមជម្រើសជាតិទួរគី និងចុងក្រោយឆ្នាំ២០២៤ ធ្វើនៅប្រទេសថៃ ជើងឯកបានលើក្រុមជម្រើសជាតិអ៊ីតាលី៕
