ក្រុមបាល់ទះនារីម្ចាស់ផ្ទះវៀតណាម បានក្លាយជាម្ចាស់ជើងឯក នៃពានរង្វាន់បាល់ទះផ្នែកនារីជើងឯកកម្រិតទ្វីប AVC Women’s Volleyball Nations Cup ឆ្នាំ២០២៥ បន្ទាប់ពីយកឈ្នះក្រុមនារីហ្វីលីពីន ក្នុងលទ្ធផល ៣-០ នៅវគ្គផ្ដាច់ព្រ័ត្រ។
សម្រាប់ចំណាត់ថ្នាក់ក្រុមទាំង ១១ប្រទេស ចូលរួមប្រកួតទទួលបានរួមមាន៖
ម្ចាស់ជើងឯក៖ វៀតណាម
ជើងឯករង៖ ហ្វីលីពីន
លេខ៣៖ ចិន តៃបុិ
លេខ៤៖ កាហ្សាក់ស្ថាន
លេខ៥៖ ឥណ្ឌូនេស៊ី
លេខ៦៖ អ៊ីរ៉ង់
លេខ៧៖ អូស្រ្តាលី
លេខ៨៖ ហុងកុង
លេខ៩. ឥណ្ឌា
លេខ១០. ម៉ុងហ្គោលី
លេខ១១. នូវែលសេឡង់
ពានរង្វាន់បាល់ទះកម្រិតទ្វីបផ្នែកនារី AVC Women’s Volleyball Nations Cup ឆ្នាំ២០២៥ ចាប់ផ្តើមការប្រកួតជាផ្លូវការនៅថ្ងៃទី៧ បញ្ចប់ទៅវិញនៅថ្ងៃទី១៤ ខែមិថុនា ឆ្នាំ២០២៥ មាន១១ក្រុមចូលរួម បែកចែកជា២ពូល ខណៈពូល A មាន៥ក្រុម និងពូល B មានចំនួន ៦ក្រុម។
ព្រឹត្តិការណ៍ប្រកួតកីឡាបាល់ទះពានរង្វាន់កម្រិតទ្វីបផ្នែកនារី AVC Women’s Volleyball Nations Cup បង្កើតឡើងនៅឆ្នាំ២០១៨ ដោយកាលនោះត្រូវបានរំសាយចោល ខណៈឆ្នាំ២០២០ ក៏ត្រូវបានរំសាយចោលដោយសារជំងឺកូវីត (Covid 19) ឆ្នាំ២០២២ ម្ចាស់ជើងឯកបានលើក្រុមនារីហុងកុង ឆ្នាំ២០២៣ និង២០២៤ ម្ចាស់ជើងឯកបានលើក្រុមបាល់ទះនារីវៀតណាម៕
