ក្រសួងការងារ ប្រកាសឱកាសការងារជាង២៣ម៉ឺនកន្លែង សម្រាប់ពលករខ្មែរនៅប្រទេសថៃ

ភ្នំពេញ÷ ក្រសួងការងារ និងបណ្តុះបណ្តាលវិជ្ជាជីវៈ បានប្រកាសផ្តល់ឱកាសការងារសម្រាប់បងប្អូនប្រជាពលរដ្ឋ និងពលករខ្មែរនៅប្រទេសថៃ ដែលមានបំណងវិលត្រឡប់មកស្រុកកំណើត និងស្វែងរកការងារថ្មីនៅក្នុងប្រទេសកម្ពុជា។

សកម្មភាពនេះត្រូវបានគាំទ្រដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដើម្បីជួយដោះស្រាយបញ្ហាការងារនិងជួយសម្រួលការរស់នៅរបស់ពលករខ្មែរនៅក្នុងប្រទេសកម្ពុជា។

ក្រសួងការងារ និងបណ្តុះបណ្តាលវិជ្ជាជីវៈ បានធ្វើការប្រកាសជូនដំណឹងស្តីពីឱកាសការងារ និងការបណ្តុះបណ្តាលជំនាញបច្ចេកទេស និងវិជ្ជាជីវៈដល់បងប្អូនប្រជាពលរដ្ឋ និងពលករខ្មែរនៅប្រទេសថៃ ដែលមានបំណងវិលត្រឡប់មកស្រុកកំណើតវិញ។

សូមបញ្ជាក់ថា ការចុះឈ្មោះសម្រាប់ការងារនេះអាចធ្វើបានតាមរយៈគេហទំព័រផ្លូវការរបស់ក្រសួងការងារ និងបណ្តុះបណ្តាលវិជ្ជាជីវៈ www.mlvt.gov.kh ឬតាមកម្មវិធីទូរស័ព្ទដៃ “MLVT Services” ដែលអាចទាញយកបានពី App Store ឬ Google Play Store។

បងប្អូនប្រជាពលរដ្ឋ និងពលករខ្មែរនៅប្រទេសថៃ ដែលមានបំណងវិលត្រឡប់មកស្រុកកំណើត និងស្វែងរកការងារថ្មី អាចទំនាក់ទំនងតាមលេខទូរស័ព្ទ ០៨៩ ៩៥៧ ៧៨៩ ឬតាម Telegram Channel “Khmer Migrant Worker” ដើម្បីទទួលបានព័ត៌មានបន្ថែម និងជំនួយ។  បងប្អូនប្រជាពលរដ្ឋ និងពលករខ្មែរនៅប្រទេសថៃ ដែលមានបំណងចង់ធ្វើការនៅប្រទេសកម្ពុជា ចុះឈ្មោះតាមរយៈមធ្យោបាយខាងលើ ដើម្បីទទួលបានឱកាសការងារដែលសមស្រប និងមានសុវត្ថិភាព។