ក្រុមជម្រើសជាតិកម្ពុជា អាយុក្រោម២៣ឆ្នាំ ក្រោមការដឹកនាំរបស់លោក koji gyotoku គ្រូបង្វឹកជនជាតិជប៉ុន កំពុងធ្វើតេស្តសមត្ថភាពកីឡាករ ក្នុងដំណាក់កាលទី១ សម្រាប់ត្រៀមចូលរួមការប្រកួតពានរង្វាន់ ASEAN U-23 Mandiri Cup™ 2025។
ស្របពេលពិធីចាប់ពូលក៏បានធ្វើរួចរាល់ហើយ ដោយក្រុម U23 កម្ពុជា ស្ថិតនៅក្នុងពូល B ជាមួយវៀតណាម និងឡាវ ដោយការប្រកួតចាប់ពីថ្ងៃទី១៥ ដល់ថ្ងៃទី៣១ ខែកក្កដា ឆ្នាំ២០២៥ នៅទីក្រុងហ្សាកាតា ប្រទេសប្រទេសឥណ្ឌូណេស៊ី។
កម្មវិធីប្រកួតរបស់ក្រុម U23 កម្ពុជា៖
ពានរង្វាន់ ASEAN U-23 Mandiri Cup™ 2025 មាន ១០ប្រទេសចូលរួមប្រកួតប្រជែងរួមមាន៖ កម្ពុជា ថៃ វៀតណាម ឥណ្ឌូនេស៊ី ម៉ាឡេស៊ី មីយ៉ាន់ម៉ា ហ្វីលីពីន ឡាវ ទីម័រខាងកើត និងប្រ៊ុយណេ។
កម្មវិធីប្រកួតពេញ មានដូចខាងក្រោម៖
គួរបញ្ជាក់ថា ពានរង្វាន់បាល់ទាត់ជើងឯកអាយុក្រោម ២៣ប្រចាំតំបន់អាស៊ាន ASEAN U-23 Championship រៀបចំឡើងដំបូងនៅឆ្នាំ២០០៥ ថៃជាម្ចាស់ផ្ទះ ម្ចាស់ជើងឯក ថៃ ឆ្នាំ២០១១ ខកខានការប្រកួត ឆ្នាំ២០១៩ កម្ពុជា ម្ចាស់ផ្ទះ ជើងឯក ឥណ្ឌូនេស៊ី ឆ្នាំ២០២២ កម្ពុជា ម្ចាស់ផ្ទះ ជើងឯក វៀតណាម និងចុងក្រោយឆ្នាំ២០២៣ ថៃ ម្ចាស់ផ្ទះ ជើងឯក វៀតណាម៕
